બર્થ ડે પાર્ટી !

બર્થ ડે પાર્ટી !

અમારો મહેલ્લો આમ તો કોઈનોય બર્થડે ના ઉજવે. એવું નહોતું કે અમારા મહેલ્લાને ગોરીયા લોકોના ક્લચરનું ગ્રહણ નહોતું લાગ્યું. 31 મી ડિસેમ્બર અમે ઉજવીએ ! જોકે એવુંય નહોતું કે અમે કોઈનોય બર્થડે ના ઉજવીએ. એક એક ભગવાનના બર્થડે અમે હોંશભેર ઉજવીએ અને સાથે અમારું  આખું ગામ. રામ નવમી, કૃષ્ણ આઠમ. હનુમાન જયંતિ જેવા તહેવારોની ઉજવણી એટલે બર્થડે પાર્ટી. સૌથી વધુ મદહોશ પાર્ટી એટલે શિવરાત્રી. અલગ અલગ મંદિરે જઈને દર્શન કરવા અને એક એક ભાંગની પ્યાલી પીને અમે શિવજીનો બર્થડે ઉજવીએ ! શિવજીનો બર્થડે મારો સૌથી માનીતો બર્થડે. એટલા માટે નહિ કે મને ભાંગ પીવી ખુબ ગમે છે; ભોળાનાથ રીજે જલ્દી.વર્ષમાં ખાલી બે જ દિવસ હું ઉપવાસ કરું છું. એક તો તમને કહી દીધો ને બીજો કૃષ્ણાષ્ટમી ! સૌથી જલ્દી ને સરળ રીતે રીજે એવા શિવ અને બીજા રાજનીતિજ્ઞ ! મારે તો ભંગની વાત કહેવી છે, શિવ બર્થડે નું મારું આગવું મહત્વ !

શિવરાત્રીના દિવસે અમે લોકો બધા નિત મુજબ નીલકંઠ મહાદેવના મંદિરે ગયા હતા. જેવા તેવા દર્શન કરીને ભાંગનો પ્રસાદ લેવાની લાઈનમાં ઉભા રહી ગયા. વજા સિવાયના અમે બધા લાઈનમાં ઉભા છીએ. વજાને સવાર સવારમાં એના બાએ ખેતરે મોકલી આપેલો. આથી તે ના આવી શક્યો. જીલો થોડો ઉદાસ દેખાતો હતો. મેં એને પૂછ્યું તો જાણવા મળ્યું કે આજે વજાને ભાંગનો ભાગીદાર બનાવવાનો પ્લાન હતો. મેં મનમાં વિચાર્યું કે જીલાએ આજે શિવાજી પાસે માંગ્યું હશે કે વજાને જલ્દી જલ્દી કામ પૂરું કરીને મંદિર મોકલી આપે. એકબાજુ જીલો દુઃખી હતો ને અધૂરામાં પૂરો અફસોસ પણ કરતો હતો. અફસોસ એટલે કરતો હતો કે ભાંગની પ્રસાદી વહેંચવા વાળો તો અશ્કાનો મિત્ર હતો એટલે ગમે તેટલી ભાંગ મળી શકે. મેં જોયું તો જીલો આકળ વિકળ થતો આગળ વધે છે. અચાનક એના ફેઈસ પર ચમક દેખાઈ કે હું સમજી ગયો કે ભોળાનાથે એની પ્રાર્થના સાંભળી  લીધી છે. ચાલો આગળ વધો કરતો જીલો ફોર્મમાં આવી ગયો. વજો આવી ગયા પછી તો એવું બન્યું કે બધાએ એક એક પ્યાલી ભાંગ વજાને પરાણે પાઈ. પછી તો બધા પોત પોતાને ઘરે જવાનું હોય પણ જીલાએ બધાને રોક્યા. વજોતો ખેતરે કામ પતાવીને સાયકલ લઇને સીધો મંદિરે આવેલો. વળી સાયકલ લઈને તે ઉપડયો ખેતરે જવા. જેવી તે સાયકલ ચલાવે કે ઉતરી જાય. થોડે સાયકલ ચલાવીને તે સાયકલ વાળાની દુકાને ગયો. “ ભાઈ પંચર બનાવી દો, થોડી ઉતાવળ છે. ” દુકાન વાળા ભાઈએ જોયું તો ટાયરમાં હવા ફુલ હતી. વજો તો સાયકલ દોરતો દોરતો બધી દુકાને જઈને પંચર બનાવી આપવાનું કહેતો જાય ! અમે લોકો એ ખેલ જોતા જોતા એટલું હસેલા કે શિવજીનો બર્થડે ખુબ સારી રીતે ઉજવાયો. બધાએ વજાને પરાણે ભાંગ પાયેલી તેની અસર !

મારો બર્થડે ચૌદમી માર્ચે હતો એટલે આ લેખ લખું છું. આ લેખ લખનારે કદી બર્થડે ઉજવ્યો નથી. હા ભગવાનના બર્થડે જરૂર ઉજવે છે. આગળ લખ્યું તેમ અમે લોકો કોઈનો બર્થડે ઉજવીએ નહિ. પણ આજની તળાવની પાળે થયેલ મિટિંગમાં ટીનાએ એક પ્રસ્તાવ રાખ્યો કે હવે આપણે બર્થડે મનાવીએ. તો સૌથી પહેલો મારો બર્થડે આવતો હતો. મને એવું લાગ્યું કે ટીનાને મારા પર કેટલો અસીમ પ્રેમ છે કે સૌથી પહેલા મારા બર્થડે ને મહત્વ આપ્યું. મારા બર્થડેની વાત એટલે હકો તો જરૂર ટેકો આપે. મેં તો સ્પષ્ટ પણે કહી દીધું કે મારો બર્થડે નહિ ઉજવી શકાય. એક બે કારણો આપ્યા કે બધા માની ગયા. નરીયાએ કહ્યું કે ત્યાર પછી જેનો બર્થડે હોય તેનો ઉજવીએ. આથી ટીનાના ફેઈસ પર જે તાજા ગુલાબના ફૂલ જેવી લાલીમા દેખાઈ તે પરથી હું બધુ સમજી ગયો. અને મિટિંગમાં નક્કી થયું કે ટીનાનો બર્થડે ઉજવવો.

ટીનાને પોતાનો બર્થડે મનાવવાનો વિચાર તેની માસીના ઘરે ગયો ત્યાંથી આવેલો. દુનિયાના બધા બર્થડે ઓ સાંજે જ ઉજવાય એ ધોરણે ટીનાના ઘરે પણ એજ નિયમ માન્ય રખાયો. ટીનાએ તો સ્ટેશનરી વાળાની દુકાનેથી એક ફુગ્ગાની કોથળી મંગાવી. અને અમને બધાને ફુગ્ગા ફુલાવવા લગાવી દીધા. અડધા ફુગ્ગા તો ટીખળ ટોળીએ ઉજવણી પહેલા જ ફોડી નાખેલા એ કહી બતાવવા જેવું નથી. ધજા પતાકા પણ લગાવ્યા. આજે તો ટીનાનાનું ઘર સ્કૂલમાં એન્યુલ ફંક્શન વખતે ડેકોરેટ કરેલો હોય તેવો લાગતો હતો. એનાં ઘરના બધા પણ હરખભેર ભાર્થડે ઉજવવા તૈયાર છે.

બધી તૈયારી થઇ ગઈ છે પણ અમારા ગામમાં કોઈ કેક વાળાની દુકાન નહોતી. ટીનાએ આખા ગામમાં ફરીને તપાસ કરી પણ કેક તો ના જ મળ્યો. ગામમાં બે બેકરીની દુકાન હતી. એમને મનાવીને ટીનાએ કેક બનાવવા કહ્યું. કેક બનાવવાની રેસિપી પણ આપી જોઈ. પણ બેકરી વાળાએ ટીનાને હતાશ કર્યો. અંતે ય કેક વગર જ અમારા મહેલ્લામાં પહેલી વાર બર્થડે ઉજવાઈ રહ્યો છે.

બધી તૈયારીને અંતે એવું નક્કી કર્યું કે કેકની જગ્યાએ એની મમ્મીએ જાડી ફાડા લાપસી બનાવી હતી. લાપસીને એક થાળીમાં રાખીને બાજુમાં મીણબત્તીઓ ગોઠવી હતી. ચપ્પુ પર રીબીન બાંધીને નરીયો હાજર. ટીપોટ પર બધું ગોઠવીને અમે પણ આસપાસ ગોઠવાઈ ગયા હતા. દિલો, અશ્કો, વજો, જીગો, દલો, હકો, હું અને નરીયો બધા તાળીઓ પાડીને હેપી બર્થડે કહેવા આતુર હતા. નરીયાએ ચપ્પુને ટીનાના હાથમાં મૂક્યું અને લાપસી કાપવા માટે કહ્યું અને અમે બધા તાળીઓથી બર્થડે મનાવવા આતુર.

પણ બધાની આતુરતામાં ભંગ પાડ્યો બાજુવાળા મહેલ્લાના ચિરકુટ ચતુરે ! ચતુર અને ટીનો પહેલા એક સ્કુલમા ભણતા આથી એને ઇન્વિટેશન હતું. પણ ચતુરને જોઈને બધા દંગ રહી ગયા. જોયું તો ચતુરનું આખું મોઢું લાલ સફેદાથી ભરેલું હતું. ટીનાએ એને બાજુમાં બોલાવ્યો અને પૂછ્યું.

“ચતુર આ શું બધું ? ”

“અરે યાર જીવાની બર્થડે પાર્ટીમાં ગયો હતો બહુ મજા આવી. ”

“પણ આ મોઢા પર શું છે ? ”

“કેક … ”

કેકનું નામ સાંભળીને તો ટીનાના હોશ ઉડી ગયા. એનો બર્થડે તો ઉજવાઈ ગયો પણ ત્યાર બાદ અમે બધા પાળે મળ્યા ત્યારે તે ખુબ અકળાયેલો હતો. કેકના ગુસ્સમાં તે તળાવની પાળે ગુલાંટો મારવા લાગ્યો.

Advertisements

About રીતેશ મોકાસણા

દરેક વ્યક્તિ કોઈને કોઈ શોખ સાથે સંકળાયેલી હોય છે.હું પણ મારો એક શોખ અહી કલમ દ્વારા રજુ કરું છું.આશા રાખું કે મારો બ્લોગ વાંચીને એટલા નિરાશ નહિ થાવ કે ફરીવાર આ બ્લોગની મુલાકાત લેવાનું પણ ટાળો.સૌની આશા એવી હોય કે વધુ અપેક્ષાને પ્રાધાન્ય આપીને પહેલ કરીએ,પણ ક્યાંક તેનું અવમુલ્યન થાય ત્યારે દિલ ને ઠેશ લાગે છે.સર્વે પ્યારા વાચકો ને મારા નમસ્કાર !!
This entry was posted in હાસ્યલેખ/ જોક્સ. Bookmark the permalink.

2 Responses to બર્થ ડે પાર્ટી !

  1. Hello….riteshbhai….sorry missed to wish u birthday….belated happy birthday…💐🎂

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s