સાયબર લૂંટ

સાયબર લૂંટ

અમુક મિત્રોનું એવું કહેવું છે કે હું કાયમ ગામડાં અને કુદરતી વાતારવરણ ને ટચ આપતું લખાણ લખું છું. મારા વ્હાલા મિત્રો, મને એવુંજ લખતા આવડે છે. ગામડામાં રહું તો પછી શહેરનું લખાણ કેમ કરીને ફાવે ? તો વળી બીજા મિત્રએ મને ચેલેન્જ આપી “દાદુ, નવી ટેક્નોલોજી કે હાઈ ફાઈ લખવાનું તારું કામ નહિ !”
“ હું કબૂલું તો છું યાર. તમે સાચા” આવી ડાયલોગબાજી ચાલતી હતી કે અમારો હકો કહે “શું તું એ યાર મારી ઈજ્જત કાઢે છે ? ”
“ એમાં તારી ઈજ્જત હકા…..??? ”
“ તું મારો જીગરી મિત્ર નહિ ? ”
હવે હકાને તો માન આપ્યા સિવાય છૂટકો નહિ. તો મિત્રો, આજના લેખમાં અમારી તોફાની ટોળીને એક અલગ અંદાઝમાં રજુ કરું છું. આશા રાખું કે લેખ ગમે તો તાળીઓ પાડીને ના વધાવો તો ઠીક છે પણ કોમેન્ટ લખીને જરૂર વધાવજો. સાચો લેખ હવે શરુ.
દરેક લેખમાં લખું છું તેમ, આજે પણ અમારી ટોળી તળાવની પાળે હનુમાન મંદિરના ઓટલે ભેગી થઇ. આજે હનુમાન મંદિર ઓટલે કેમ ? એ વિષે સવાલ ઉઠે તે પહેલાં જાણી દઉં કે, બે દિવસના વરસાદને લીધે પાળની માટીમાં જવાય તેવું નહોતું. માહિતી અને પ્રસારણ ખાતાના મંત્રી એવા શ્રી જીગ્નેશ્વર ઉર્ફે જેમ્સ બોન્ડ જીગો ખબર લઇ આવ્યો કે ટાઉનહોલમાં નાટકની સ્પર્ધા છે. કોઈ પણ એમાં ભાગ લઇ શકે છે.
વાત કરી એવા બે જણે તો દાવ ડિક્લેર કરી દીધો.
“મારે તે દિવસે શનિવાર છે ” વજાએ કહ્યું
“વજલા, તારે એકને નહિ આખી દુનિયાને તે દિવસે શનિવાર છે”
“હવે ભુરીયા લોકો પણ શનિવાર રહેવા લાગ્યા છે ? ” એવું કહીને એ છટકી ગયો અને બીજો જીલો. જીલાનું બહાનું એવું સજ્જડ હતું કે કોઈ એને ડગાવી ના શકે.
“હવે જો કોઈ ડગે એને હનુમાનજીના સમ છે” ટીનાએ ગર્જના કરી કે અમે લોકો બધા ચૂપ.
હવે કયું નાટક ભજવવું ? એની ચર્ચા પર એક નજર
“સ્કૂલમાં હતાં ત્યારે દિલાએ એક ભિખારીનો રોલ કરીને સૌના દિલ જીતી લીધેલા, પાછું થઇ જાય ? ”
“એ તો સ્કૂલની વાત સ્કૂલમાં; બીજી કોક નવી વાત લાવો ” દિલાએ વાત ને ટાળી. જોકે દિલાએ વાતને એટલા માટે ટાળેલી કે, નાટક પછી એને ફાધરે કહેલું કે “ દિલા, મોટો થઈને નહિ કમાય તો ચાલશે ” ત્યારે દિલો સોળ વર્ષનો નહોતો થયો પણ તોયે તેના ફાધરની વાત શાનમાં સમજી ગયેલો.
“ દલો તો આપણી ટીમમાં છે તો એનું જ નાટક રાખીએ, લોકો હસી હસીને પાગલ થઇ જશે. મતલબ દલા તરવાડીનું ”
“ એ તો બહુ જૂનું થયું ? હવે તો કહેવતમાં પણ નથી વપરાતું ” નરીયાએ ટાપશી પુરી.
“ તો તું જ કંઈક રસ્તો બતાવ ” હકાએ એને પકડ્યો.
“ રસ્તો તો કુવા બાજુનો હું જાણું ”
“ જેસલ જાડેજાનું રાખીએ તો ? ” જીગાએ પ્રસ્તાવ મુક્યો
“ તું કેમ કઈ બોલતો નથી રીતુ ? બધાં કરતા તો તેં વધારે નાટકો કર્યા છે ” અશ્કાએ મારી તરફ નિશાન લાગાવ્યું
“ હું પણ એજ વિચાર કરું છું, હવે આપણે ત્રણ પ્રસ્તાવ રાખ્યા છે અને એ બધાનું મીન એટલે લૂંટ, જૂનું અને નવું તથા બધાનું ગમતું. ” મેં કહ્યું એમાં એક બે સિવાય કોઈને ટપ્પા ના પડયા એટલે મેં કયું કે આપણે ‘સાયબર લૂંટ’ નાટક કરવાનું છે. હકાએ મને ટેકો આપ્યો કે બધાએ વાતને વધાવી લીધી.
લૂંટ શબ્દ આવે એટલે, ડાકુનો સરદાર, બોસ કે રાજા હોય જ ! સર્વાનુમતે એ રોલ હકાને અપાયેલો. હું ખજાનચી અને બાકીના બીજા ટોળીવાળા.
શનિવાર રાત્રે ટાઉનહોલ તો ખીચોખીચ ભરાઈ ગયો. લોકોને અમારું નાટક આવે એની સૌથી વધુ ઇંતેઝારી હતી; એટલા માટે નહિ કે અમે બધા નાટકમાં બહુ સારું નામ કમાયેલા; પણ અમારા નાટકનું નામ હટકે હતું. ( કોઈ એવો સવાલ ના ઉઠાવતા કે નાટકનું નામ તો સાયબર લૂંટ છે )
નાટકની દુનિયામાં આજે હું એક નવીન વસ્તુ ઈન્ટ્રોડ્યુસ કરું છું. અને એ છે નાટકનું ટ્રેલર.
નાટકનો વડો 64.0 બીટ ટીગા હર્ટઝ, બાણું લાખ નેટવર્કનો ધણી હકેશ્વર છે. બધા સાથીદારો ને અલગ અલગ ગામોમાં લૂંટ કરવા મોકલાયા છે. લૂંટીને જે માલ લાવે તે મને યાને કી ખજાનચીને આપશે. અને ખજાનચી એનું વિગતે વર્ણન કરશે. હવે નાટક શરુ.
પરદો ઉપડે. એક હજૂરિયો આવે અને સ્તુતિ પોકારે
પરમ કૃપાળુ, ઈઝીલી ઓપરરેટેડ, ફૂલ સ્પીડે, 64.0 બીટ, ટીગા હર્ટઝ સ્થિત, બાણું લાખ નેટવર્કના ધણી શ્રી હકેશ્વર પધારે છે ઘણી ખમ્મા ( હકો એક હાથમાં પ્રોજેક્ટર અને બીજા હાથમાં એનું રિમોટ લઈને પ્રવેશે.)
હકેશ્વર (હજૂરિયાને ): આપણી ટોળીમાં સૌને ફ્રી વાઇફાઇની ફેસિલિટી મળી ગઈ કે કેમ?
હજૂરિયો : નામદાર, કાલ સાંજ સુધી તો બધું બરાબર હતું પણ રાત્રે એનાં માસ્ટર રાઉટરનાં વાયર…
હકેશ્વર : નક્કી એ તો નરી…( નરીયો કહેવા જતો હતો પણ પરદા પાછળથી નરિયાએ હકાને મુક્કો બતાવ્યો) નરી આંખે જોવાની પણ જરૂર નથી. લૂંટ કરવા ગયેલા આપણા સાથીદારો હજી આવ્યા નહિ. જાવ તળાવની પાળે જોઈ આવો (પેલો જાય, હજૂરિયાનો રોલ=જીલો)
બધા સાથીદારો આવે
હકેશ્વર : ઝાંગડ, તે યુ-ટ્યુબપુર ગામે એટેક કરેલો તો શું લાવ્યો ?
હું : નામદાર ઝાંગડે, યુ-ટ્યુબપુર જઈને બરાબર એટેક કરેલો. જુના બ્લેક & વ્હાઇટ ફિલ્મો અને જૂનાં ગીતોની છાબડી ભરી કે; એક સજ્જને એમને સલાહ આપીકે. યુ-ટ્યુબપુર ગામ તો હવે ગુગલગઢના કબજામાં છે.
હકેશ્વર : પછી ગુગલગઢ પર તેં એકલે હાથે આક્રમણ કર્યું ?
ઝાંગડ : ના હુજુર, હું જોડે જીગા…સોરી હાર્ડને( પાત્ર= જીગો) લઇ ગયેલો
હાર્ડ : અરે હકા..હકેશ્વરજી….ગુગલગઢ તો હવે એક ગઢ મટીને રાજ્ય બની ગયું છે. એના તાબામાં ઘણાં ગઢોનો સમાવેશ થઇ ગયો છે.
હકેશ્વર : ખુબ સરસ, કેટલા બાઈટ માલ મળ્યો છે ?
હું : એક દુઃખદ સમાચાર છે ?
હકેશ્વર : પાછું શું થયું જીગરી ? (મેં ઈશારો કરીને સમજાવ્યો કે નાટક ચાલુ છે, રિહર્સલ નથી)
ઝાંગડ : ગુગલગઢ તાબેના ગુગલ પ્લસગઢ પરથી બ્લોગોની માહિતી અને ઇમેઇલની લૂંટ કરી ત્યાંતો અડધા થેલા ભરાઈ ગયેલા. આથી ગૂગલાર્થ ગામે ગયા અને અવનવા સ્થળો લૂંટ્યા.
હકેશ્વર : યાહુનગર કોણ ગયેલું ?
ચિરકુટ : હું ગયેલો હજુર, એમાં તો અમને એકદમ તાજા મોતી સિવાય ખાસ કઈ નવું ના મળ્યું કે જે ગુગલગઢમાં હતું.
કર્સરે : મેં બહુ મોટી ધાડ મારી છે હુજુર
હકેશ્વર : સાબાશ મારા જુવાન, તને લુંટમાંથી આવેલ, ટેબ્લેટ મળી જશે.
કર્સરે : પણ મને કઈ નથી….
પાત્ર = અશ્કો : ચૂપ, દવાની ટેબ્લેટ નહિ…
હકેશ્વર : ક્યાં ગયેલો એ તો કહે ?
કર્સરે : મેં ફેસબૂકવાડમાં એટેક કરેલો. પણ અમુક વસ્તુની કહેતા પણ શરમ આવે એવું હતું.
પાત્ર = દિલો : લોકોને સારા નગરમાં રહેતા પણ ના આવડે તો એવું જ થાય.
હકેશ્વર : માલ તો લાવ્યો છે ને ?
કર્સરે : અરે એક્ટર, ડાયરેક્ટર, પ્રોડ્યુસરોથી લઈને ભિખારી કોઈને નથી છોડ્યા.
હકેશ્વર : ભિખારી લોકો ય ફેસબૂકવાડ ગામે ??
કર્સરે : હા હુજુર, એ લોકો એ પણ હવે પોતાની ઓળખ ઉભી કરીને ખાસ્સા કોન્ટેક્ટ્સ બનાવી લીધેલા
હકેશ્વર : કોઈ ઓર્કુટકાંઠા ગામ કેમ ના ગયું ?
પેડગર(પાત્ર : જીવો ) : એ ગામ તો હવે નષ્ટ થઇ ગયું છે. અને બીજા એવા અનેક ગામો ગુગલગઢમાં ભળી ગયા છે.
અમારું નાટક બરાબર ભજવાયે જતું હતું. લોકો, તાળીઓ પાડી પાડીને થાકી ગયા અને અચાનક નરિયાના ફાધરે હૉલમાં એન્ટ્રી મારી. નરીયાએ જોયું કે ફાધર આવ્યા છે, એટલે નાઠો “ બસ કરો મહારાજ….” એમ કરીને તે ભાગ્યો. લોકોને એવું લાગ્યું કે એ નાટકનો જ ભાગ હતો.
હોલ વાળાએ પરાણે પરદો પાડી દીધો. અને અમારી ઈજ્જત સચવાઈ ગઈ.
Advertisements

About રીતેશ મોકાસણા

દરેક વ્યક્તિ કોઈને કોઈ શોખ સાથે સંકળાયેલી હોય છે.હું પણ મારો એક શોખ અહી કલમ દ્વારા રજુ કરું છું.આશા રાખું કે મારો બ્લોગ વાંચીને એટલા નિરાશ નહિ થાવ કે ફરીવાર આ બ્લોગની મુલાકાત લેવાનું પણ ટાળો.સૌની આશા એવી હોય કે વધુ અપેક્ષાને પ્રાધાન્ય આપીને પહેલ કરીએ,પણ ક્યાંક તેનું અવમુલ્યન થાય ત્યારે દિલ ને ઠેશ લાગે છે.સર્વે પ્યારા વાચકો ને મારા નમસ્કાર !!
This entry was posted in હાસ્યલેખ/ જોક્સ. Bookmark the permalink.

6 Responses to સાયબર લૂંટ

  1. Vimala Gohil કહે છે:

    “ તું કેમ કઈ બોલતો નથી રીતુ ? બધાં કરતા તો તેં વધારે નાટકો કર્યા છે ” અશ્કાએ મારી તરફ નિશાન લાગાવ્યું”
    અરે!”અશ્કા” ભાઈ આપણો “રીતુ” નાટક જ નહીં ફિલમ પણ ઉતારે છે હં. ..જો કે એ એક અલગ વાત છે .
    પણ આ સાયબર લૂંટફાટના ડાકૂઓના પરાક્રમો જોવાની એવી મજા પડી કે જગ્ગાડાકૂને પણ ભૂલી જવાય!!!!(આમ તો યાદ આવી જાય).

  2. વિમલાજી,
    પ્રશાંતભાઈ સાથે વાત થાય છે. મિટિન્ગમાં તમે બધાએ મને યાદ કરેલો તે કહેલું. હું પણ બધાને યાદ કરું છું. ચીમન કાકા કે તમને કોઈને મળ્યો નથી પણ ઘણાં જુના સંબંધો હોય તેમ મહેસુસ કરું છું.
    આપની હર એક કોમેન્ટ મારે માટે ટોનિક છે. તેથી મારે કોઈ એડિટિવ્સ લેવાની જરૂર નથી પડતી.

    • Vimala Gohil કહે છે:

      હા, રીતેશભાઈ, એક અનોખી આત્મિયતાના સબંધે બંધાયેલા છીએ.
      પ્રશાંત ભાઈ સાથે આપની વાત કરતી વખતે જરા સંકોચ હતો કેઃ મહાનુભાવો વચ્ચે આપણી તતૂડી વગાડાય???
      પણ રીતેશ ભાઈનું નામ બોલાયું કે વચ્ચે કૂદી જ પડાયું!!!
      ના, રે!!! મારી કોમેન્ટ્સ નહી પણ આપની અંદરુની નિખાલસ કાબેલિયત બધી અભિવ્યક્તિ કરે છે.
      સાચું કહું તો આપ સર્વને વાંચતા થયેલ અહેસાસ થોડું કાંઈ વ્યકત કરાવી દે છે.
      આભાર કહું??? કહેવાજ દો.

      આભાર.

  3. aataawaani કહે છે:

    પ્રિય રિતેશ
    મને જમણી બાજુ એક ચોરસ માં તારી મુવી ના બહુ નાના ફોટા જોવા મળ્યા, હું કશું વાંચી ના શક્યો.

  4. આતા, એ ફોટો ક્લીક કરશો તો ખુલશે. એ મારા મુવીનો એક ભાગ છે; તમે આશિષ આપ્યા એનો આભાર માન્યો છે.

  5. પિંગબેક: સાયબર લૂંટ – ગુજરાતી બ્લોગ જગત

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s