ઘમ્મર વલોણું-૨૦

ઘમ્મર વલોણું-૨૦

મનગમતું કે અણ ધારેલ મળી જાય એટલે મનમંદિરમાં આરતીઓ થાય. હૈયું ખુશીમાં ગરકાવ થઇ જાય. મનઘટનો ઘુઘારવ ખીલવા લાગે. એવીજ રીતે ખુશીઓના ફુવારે સૌ ઝૂમવા લાગે છે. ખુલ્લા આકાશ નીચે ઉભા રહીને ખુશીને વાદળો સાથે શેર કરું છું. ગગનમાં વિરહતા પક્ષીઓને પણ મારો રઘવાટ દર્શાવું છું. ઝૂમતો ઝૂમતો આગળ નીકળી જાઉં છું અને ખળ ખળ વહેતા ઝરણાં પાસે બેસી જાઉં છું. એ ખળ ખળ વહેતું પાણી મારી ખુશીમાં સામેલ થઇ જાય છે. મીઠા ગાન કરતું આગળ વહે છે. મારી ખુશી જોઇને વાદળા પણ રોકાઈ જાય છે અને નીચે પાણી રૂપે આવવા તત્પરતા બતાવે છે.

વાહ, ફૂલ ક્યારીઓ પાસે જતાં તો ખુશી મઘમઘી ઉઠી. એક બાજુ મનોહર ખુશ્બુનો ધોધ વહે છે, તો મારા માંથી ખુશીના ફૂવારા. કોઈએ અમારી ખુશીની ખબર પતંગીયા વૃંદને આપી દીધી લાગે છે. એક આખું વૃંદ ઉડતું ઉડતું આવીને ગણગણ કરવા લાગ્યું. અત્યાર સુધી ખુશીના કેફમાં નાચતું મન શાંત ના રહી શક્યું : કેમ તમે લોકો પણ આજે ખુબ ખુશ છો ?

આથી વળતો પ્રવાહ પણ ખુશીને છીનવી લેવા વાળો હતો. : અમે તો હર એક પળે ખુશ થઈએ; તમારી જેમ એવું ના હોય કે અમુક પળે ખુશ હોય ! અમે તો વધુ ખુશ થઈએ કે જલતી જ્યોતે પડીને બળી મરીએ કે અંત !

મારે પણ મારી ખુશીનો અંત નહોતો લાવવો “ ના રે ના મિત્રો, એય મજાના ઝૂમો અને મનભરીને રસ ચૂસો. હું પણ ખુશ છું ને તમે પણ રહો.”

આજે તેઓ મને જોઇને વધુ ખુશ હતા “ હજી અમે તો જ્યોતમાં પડીને બળી જઈએ પણ હમણા ભમરાં ય આવશે. એ તો વળી અમારાથી આગળ. ફૂલોની પાંદડીઓમાં જ પુરાઈને જીવ આપી દેશે. છતાં પણ ખુશ તો ખરા જ……!”

હજી તેઓ કશું બોલવા જતા હતા પણ તેઓ તો આગળ નીકળી ગયા.

હું પણ આગળ ગયો કે હવાની લેરખીથી ઝૂમતી વનરાઈઓ દેખાઈ. ચારે બાજુ સૌ કોઈ ખુશ જ દેખાય છે. આકાશ સામે જોઇને હું મારી ખુશી બેવડી કરવા જુમવા લાગ્યો કે મારા પગ થોભી ગયા. કાનો સતેજ થયા. “ હવે તને ખ્યાલ આવ્યો કે સૌ કોઈ તને કેમ આજે ખુશ દેખાય છે ? ”

મેં અવાજ બાજુ જોયું “ ઓહ તમે ? સારું થયું આવી ગયા. બાકીનું વાક્ય પૂરું કરો પ્રભુ. “

થોડી વાર મારી સામે જોઇને વળી બોલ્યા “ કેમ કે તું આજે ખુબ ખુશ છે ? તમે લોકો ખુશ હોય ત્યારે જ તમે આવું મહેસુસ કરો છો. અને દુખ આવ્યું કે મારા દ્વાર ખટખટાવો છો. ”

મારાથી પણ બોલાયા વગર ના રહેવાયું “ પ્રભો, એ વ્યવસ્થા તો આપની જ બનાવેલી છે ને ? “ મેં કહ્યું કે તેઓ અંતર્ધ્યાન થઇ ગયા.

મુખવાસ :    માં એ દહીં વલોવીને માખણ કાઢ્યું.
                   અને દિલ વલોવીને વ્હાલ આપ્યું.

Advertisements

About રીતેશ મોકાસણા

દરેક વ્યક્તિ કોઈને કોઈ શોખ સાથે સંકળાયેલી હોય છે.હું પણ મારો એક શોખ અહી કલમ દ્વારા રજુ કરું છું.આશા રાખું કે મારો બ્લોગ વાંચીને એટલા નિરાશ નહિ થાવ કે ફરીવાર આ બ્લોગની મુલાકાત લેવાનું પણ ટાળો.સૌની આશા એવી હોય કે વધુ અપેક્ષાને પ્રાધાન્ય આપીને પહેલ કરીએ,પણ ક્યાંક તેનું અવમુલ્યન થાય ત્યારે દિલ ને ઠેશ લાગે છે.સર્વે પ્યારા વાચકો ને મારા નમસ્કાર !!
This entry was posted in પ્રકીર્ણ. Bookmark the permalink.

6 Responses to ઘમ્મર વલોણું-૨૦

  1. Vimala Gohil કહે છે:

    “આજે તેઓ મને જોઇને વધુ ખુશ હતા ” અને આજે અમે પણ ખુશ-ખુશ છીએ.
    આપના પ્રક્રુતિ સાથેના તદાત્મ્યથી થતી પ્રભુ્ની અનુભૂતીની સુંદર અભિવ્યકતિથી આપે અમને
    પણ પ્રભુના ખોળે મુકી દીધા!!!!
    આભાર નહી, વંદન…..

  2. dee35(USA) કહે છે:

    ખૂબ સરસ.આનંદ આનંદ થઇ ગયો. આરીતે હેપીનેસ બાંટતા રહો.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s