ઘમ્મર વલોણું- ૧૧

ઘમ્મર વલોણું- ૧૧

માનવ દેહને ટકાવી રાખવા માટે મુખ્ય ત્રણ તત્વોની જરુરીયાત પૂરી પાડી ને ઈશ્વરે પોતાનું કર્તવ્ય પૂરું કર્યાનો આપણને અહેસાસ કરાવે છે. હવા પાણી અને ખોરાક ! આ ત્રણમાંથી એક પણનો પર્યાય નથી. પેટમાં ઉપડેલ અગન જવાળાને શાંત પાડવા માટે થાળીમાં ખોરાકને રાખીને એનો ઉપભોગ થાય તેની બધી તૈયારી સાથે બેઠો. જેવો અન્નનો એક કોળીયો હાથમાં અનુગ્રહ કર્યો કે; હાથ હવામાં સ્થિર બની ગયો. બાજુમાંથી પસાર થતી એક બાળકીડી ને વાચા ફૂટી. પોતાની માતુશ્રીને તેણે જે વાત કરી તે સાંભળીને મારો હાથ જે મોઢા તરફ જતો તે ફરી નીચે આવી ગયો. કોળીયો તો હાથમાં જ કેદ બની ગયો.

“ માતે, થોડી પાછળ આવીને જો જરા. કેટલો મોટો ખોરાકનો ઢગલો પડ્યો છે. ને માનવ દેહ તેના પર તૂટી પાડવા આતુર છે. ”

“ બેટા, ચાલ હવે આપણને તો એક કણ મળ્યો કે બહુ ”

“ પણ એ ઢગલો તો આપણા માટે કેટલાં વર્ષો ચાલે ? ”

“ તું હજી આ દુનિયામાં નવી છે. થોડી મોટી થઈશ કે તું પણ બીજાને ચિન્ટીયા ભરતી થઇ જઈશ. ”

“ તેં જ તો મને શીખ્યું છે કે ઈમર્જન્સીમાં કોઈને પણ બચકું ભરવું તે પાપ નથી. ”

“ રે ભગવાન જમાનો કેટલો બદલાતો જાય છે. અમે તો કશું બોલી પણ નહોતા શકતા. થોડી મોટી થઈશ બધુ સમજાઈ જશે. કોઈ શાણા મનુષ્યે કહેવત બનાવી છે કે કીડીને કણ તો હાથીને મણ. ”

વાત તો બાળકીડીની સાચી છે; એક નજર બેય કીડી પર કરી. નાજુક અને નમણી કાયા ધરાવતી બેય કીડી આગળ જઈ રહી છે. તેમને જોઇને મન, વિચારમાં પડે એ પણ એક મારા સહજ સ્વભાવને આધીન બની ગયું.

વળી તે દિવસે જંગલમાં પીકનીક માટે ગયાની વાત હજી વિસરાઈ નથી; ત્યાં આજે બીજી અકળાવનારી ઘટના બની ગઈ. તદ્દન વિરોધાભાસી વલણ અને અનોખા અભિગમે ચિતનું ચકડોળ ચકરાવે ચડ્યું.

હાથી પણ એની જગ્યાએ બરાબર હતો ?

ઝાડની કેટલી બધી ડાળો અને પર્ણો ને એક પળમાં ઓહિયા કરી જનાર એ ગજરાજને તો વળી મુઠ્ઠીભર અનાજ તો ક્યાંથી ધ્યાનમાં આવે ?

ચોપાસ નજર ફેરવતા તો માલુમ પડે છે કે, એકલા માનવ દેહને નહિ; પણ એકે એક જીવને જાળવી રાખવા માટે ત્રણે તત્વોની જરૂર છે. કુદરતે કરેલ સકારાત્મક સુયોજન અને નૈસર્ગિક કડીઓને જોડતી પરસ્પરની આનુસાંગિક જરૂરિયાતને અવમુલ્યન કરી શકાય તેમ નથી.

કોઈને લાડુનો એક કણ, કોઈને લાડુ, તો કોઈને ગાડું ભરીને લાડુ, એ વ્યવસ્થા મન ફાવે તેમ બનાવેલ નથી. કોઈ પણ એન્ગલે અને કોઈ પણ તત્વે અવમુલ્યન કરવા જતા, ખુદને અન્યાય કરી બેસવાનો અભિગમ રાખવા જેવી વાત છે.

આપણે તો સફાઈ રાખીને જાણે છટકી જવાનું હોય તેમ બોલીએ કે; પેટનો ખાડો તો પુરવો જ રહ્યો. આપણી આંખમાં જો જગને નિહાળવાની શક્તિ ના હોત તો, રંગેરંગના અદભુત નજારા જોવા ના મળેત. પ્રકાશ શું કહેવાત; એનાથી અજાણ્યાજ રહેત ! હર્યું ભર્યું જંગલ કે લહેરાતો સમંદર જોવાનો લહાવો ના હોત ! પણ એ દરેક તત્વ અને સ્થતિ તો હોત જ ! એવીજ રીતે ભૂખને પામવા માટે કોઈ આંખોની જરૂર નથી પડતી, પણ ચેતા કોષોનું વહન આપણને સજાગ કરે છે.

ભૂખની પરિતૃપ્તિ થઇ ગયા બાદતો સામે પડેલ છપ્પન ભોગ પણ ક્ષુલ્લુક લાગે છે. છતાં એને અવગણના કર્યા વગર આવનારા સંજોગોને ને ધ્યાનમાં રાખીને એનું બહુમુલ્યન કરવામાં લાગી જઈએ છીએ. ધરા પર જે ઉત્પન્ન થાય છે તેનાથી જ તો સૌનો જીવન નિર્વાહ શક્ય બને છે. જે કણ છે તેજ મણ છે ને મણ છે તે કણથી વિશેષ છે !

 

સ્પષ્ટતા : દરેક ઘમ્મર વલોણા એપિસોડમાં મને પોતાને કેદ્ન્રબિંદુ બનાવીને લેખો લખ્યા છે. લેખમાં રજુ કરેલ મારા વિચાર ને મારા અંતર્ગત વલણ સાથે સુસંગત ના પણ હોય !  

Advertisements

About રીતેશ મોકાસણા

દરેક વ્યક્તિ કોઈને કોઈ શોખ સાથે સંકળાયેલી હોય છે.હું પણ મારો એક શોખ અહી કલમ દ્વારા રજુ કરું છું.આશા રાખું કે મારો બ્લોગ વાંચીને એટલા નિરાશ નહિ થાવ કે ફરીવાર આ બ્લોગની મુલાકાત લેવાનું પણ ટાળો.સૌની આશા એવી હોય કે વધુ અપેક્ષાને પ્રાધાન્ય આપીને પહેલ કરીએ,પણ ક્યાંક તેનું અવમુલ્યન થાય ત્યારે દિલ ને ઠેશ લાગે છે.સર્વે પ્યારા વાચકો ને મારા નમસ્કાર !!
This entry was posted in પ્રકીર્ણ. Bookmark the permalink.

2 Responses to ઘમ્મર વલોણું- ૧૧

  1. U K કહે છે:

    Thanks for sharing.. 🙂
    CONTEST TIME:

    Check out my new post and leave an answer for the question asked in the comments section. The best answer will win Amazon voucher worth INR 750/-
    Last date: 26th November 2015. – 11 pm IST
    Contest partners: Tata Motors.
    http://www.fashionablefoodz.com/my-inspiration/

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s