ટપાલ

ટપાલ

આજના સમયમાં મોબાઈલ અને સોસીયલ નેટવર્ક ના લીધે વાતચીતનો વયવહાર અને સંદેશાની આપ-લે એટલી જડપથી થઇ ગઈ છે કે; બહુ રાહ જોવાની જરૂર નથી રહી. પંદરેક વર્ષ પહેલાના કેલેન્ડરના પાના ફંફોસીએ તો બહુ ઓછાના ઘરે ટેલીફોન હતા. અને ટેલીફોન વાળા પણ સામાન્ય સંદેશા તો પોસ્ટકાર્ડથી જ આપતા ને દેતા.
એક એવો પણ સમય હતો કે; લોકો ટપાલીની આતુરતાથી રાહ જોતા હોય ! ટપાલી શેરીકે સોસાયટીમાં દાખલ થાય કે એક ખાસ અદના આદમી જેવી એને ઈજ્જત મળતી. ‘ કઈ છે ? ’  તો કોઈ પ્રેમી ખાલી એની સામે આવીને આંખો મેળવે કે ટપાલી ‘ આજે કશું નથી’ કહીને વિલા મોઢા કરી દેતો, અથવા તો એક સ્મિત સાથે પત્ર આપીને ખુશ કરી દેતો. આવાજ એક ટપાલના જમાનાનું પાનું ખોલવાની કલ્પના ને આપ સમક્ષ રજુ કરું છું.આશા રાખુંકે આપ સૌને ગમે !
“ એલા રામશા…….? ” ત્યાંતો રામશા પોસ્ટમેન સાયકલની ટંકોરી વગાડતો આગળ નીકળી ગયો. અને એક નિરાશાનું વાદળું દેવમના મોઢાં પર વરસવા લાગ્યું. ઓશરીના ખૂણે બેઠેલ તેમની પત્નીએ જોયું કે પોતાનાં પતિ અત્યારે પસ્તાવાનાં તળાવમાં નાહી રહ્યા છે. અંતે તો વિમલા તેમની પત્ની હતી.
“ બહુ મનને કોચવો નહિ ”
“ તારી વાત હવે મને સમજાય છે, દીકરાતો માંથી જેટલા નજીક હોય તેટલા બાપથી ના જ હોય ! ” સહેજ લાચારીના ભાવે તેઓ બોલ્યા. પત્ની વિમલા થોડી નજીક આવીને બેઠી.
“ એક વાત કહું ? ” ધીરેથી પત્નીએ પૂછ્યું.
“ બોલ ને યોગ્ય વાતને તો હમેશા આવકારું છું. ”
“ આપણે બેય આવતા અઠવાડિયે અમદાવાદ જઈને ‘ ભૈલું ’ ને મળી આવીએ તો કેમ ?
“ આમતો મને પણ ઈચ્છા છે પણ સાલું તેની પરીક્ષાના લીધે મનને મારી નાખું છું. ”
“ પણ આપણે ક્યાં ત્યાં રોકાવું છે ? અને હોસ્ટેલમાં તો રોકાવા પણ નથી દેતા. આપણે રાત્રે નારણપુરા માસીના ઘરે જતા રહીશું. ”
“ આમ તો તારી વાત વ્યાજબી લાગતી જાય છે. પણ મારા મનમાં બીજો વિચાર આવ્યો છે. ”
“ તમારું મન ચંચલ બહુ છે. ” વ્યંગમાં પત્નીએ કહ્યું.
“ કોના મન ચંચલ નથી વીમુ ? ” એકદમ વિમલાની લગોલગ બેસતા દેવમે કહ્યું.
“ ઠીક છે હવે કહો. ”
“ તને એવું લાગે છે કે હું રીધમ ને પ્યાર નથી કરતો ? મારા મનમાં એના પ્રત્યે ધ્રુણા છે ? ”
“ હું તો એવું બોલી નથી. ” સહેજ ઝંખવાતા તે બોલી.
“ તારી અમુક ખામોશી મને એવું વિચારવા મજબુર કરે છે. ”
“ ક્યારેક વધુ પડતું વિચારવું જોખમી સાબિત થાય ! ”
“ આર્ટસની ગ્રેજ્યુએટ છોકરી ને તો ભલા કોમર્સનો છોકરો કેમ કરી જીતે. ”
“ જીતીને તો લઇ આવ્યા છો. ”
“ અરે તેં પણ દ્રૌપદી જેમ સ્વયંવર રચેલો ? ”
“ વાહ, મને તો લાગે છે કે સમયની ધૂળ તમારી યાદદાસ્ત પર જામી જશે તો વ્હાલી વીમુ પણ ભુલાઈ જશે. ”
“ ઓકે બાબા સોરી….પત્નીને પજવવામાં નુકશાન વેઠવાની તૈયારી રાખવી પડે ! એ બધું જવા દે…પણ એટલું જરૂર કહીશ કે તે જે અનુમાન મારા માટે લગાવ્યું તે સો પ્રતિશત સાચું છે. ”
“ એ તો તમારી આંખો અને મનનાં હાલ જ તમને છતા કરી દે છે. ”
“ કેમ મારી આંખોની કીકી ગાયબ છે ? ”
“ વળી પાછા મજાકના ગાડામા બેસી ગયા ? ”
“ તો શું કરું ? દિલમાં જે વલોવાય છે તેને આંખોમાંથી કાઢી નથી શકતો. ” કહેતા તો બે ત્રણ અશ્રુ બિંદુઓ; તેમની આંખમાંથી બહાર આવીને ગાલ પ્રદેશમાં વહેવા લાગ્યા.
“ અરે રે આ શું ? પહાડ પીગળવા લાગ્યો ? પ્લીઝ, હું કોઈ રાણકદેવી નથી કે મારા આડા રાખેલા હાથે પહાડ ચુપ થઇ જાય. ” કહીને વિમલાએ સાડીના છેડેથી પેલા બિંદુના પ્રવાહને રોકી લીધો.
“ મેં તો ત્યારે પણ તમને કહેલું કે છો ને લખતો ટપાલ. પણ તમે તો બસ દર ટપાલમાં એને ઠપકો જ આપે રાખ્યો. કઈ ભણ, કઈ લખ, કઈ વાંચ; આમ દર બે ત્રણ દિવસે ટપાલ જ લખે રાખે છે, બીજું કઈ કરે છે કે નહિ ? ”
“ મને ખ્યાલ છે, ભૂલ કરે તેને કાનને સખત બનાવ્યે છૂટકો. મેં તેને ટપાલ લખવાની ના નહોતી પાડી. પણ દર બે ત્રણ દિવસે લખવાની ના પાડેલી. ”
“ સાચી વાત છે પણ એ હજી એટલો મેચ્યોર નથી થયો. ”
“ વીમુ, મારો જીવ મુંજાય છે કે મારી ટપાલનો જવાબ તો આપવો જોઈતો હતો. ”
“ મને ખ્યાલ છે કે છેલ્લા ઘણા સમયથી તમે કોઈ નવ યૌવનાની જેમ; રીધમની ટપાલની રાહ જોઈ રહ્યા છો. ટપાલી આવી ને જતો રહે એટલી વાર તમે નિશાસા નાખે રાખો છો. ”
“ તો બીજું શું કરું ? દીકરાની મમત જો બાંધી રાખે છે ! ”
” ચિંતા ના કરો, હમણાં જ હોળીનો તહેવાર ગયો છે. અબ ઘડીમાં એની પરીક્ષાઓ પૂરી થઇ જશે કે વેકેશનમાં આવી જશે. પછી જોજો એને અઢળક મમતા આપવામાં અચકાતાં નહિ. ”
પત્ની વિમલાએ દેવમને આશ્વાશન આપીને રૂમમાં લઇ ગઈ.
હોળીના કલરને લોકોએ શરીર પરથી સાફ કર્યો કે ઠંડી જતી રહી. તો ગરમી પણ ત્રણ મહિનાના ધામા નાખવાના આશયે આવી ગઈ છે. પંખાને ચાલુ કરીને દેવમે ઓશરીમાં પલંગ પર લંબાવ્યું કે દરવાજે ટકોરા પડ્યા. ઉઠીને દરવાજો ખોલ્યો કે પાડોશી મિત્ર સોહનલાલ હતા.
“ લો રીધમે ચિઠ્ઠી આપી છે. ” કહીને તેઓ ચાલવા લાગ્યા.
“ અરે ક્યાં ચાલ્યા ? ચા તો બનતી હૈ ”
“ દેવમભાઈ, મારી ચા ઉધાર, કાલે ચોક્કસ આવીને પી જઈશ. ”
“ કાલે ફરી વાર આવજો બોસ. ”
“ ઉધાર એટલે કે અત્યારે હું ઉતાવળમાં છું. કાલે અમદાવાદ ગયેલો તો તમારો રીધમ મળી ગયો અને ઉતાવળે ઉતાવળે મને ચિઠ્ઠી લખી આપી છે. અત્યારે મને માફ કરો કાલે ચા પાક્કી. કડક અને મીઠી ! ” કહીને સોહમલાલ નીકળી ગયા.
રસોડામાં કામ કરતી વિમલાના કાને અવાજ આવ્યો કે તે દોડી આવી. “ કોણ હતું ? ”
“ સોહમલાલ, આપણા રીધમની ચિઠ્ઠી આપવા આવ્યા હતા. ” દેવમે પત્નીને પછી વિગતે વાત કહી.
“ જલ્દી વાંચો નહિ તો મને આપો. ” કહીને વીમુ બાજુમાં બેસી ગઈ.
“ દરવાજો બંધ કરતી આવ, બેય સાથેજ વાંચીએ. ” એટલે વિમલા દરવાજો બંધ કરીને પતિની લગોલગ બેસી ગઈ.
પૂજ્ય માતાજી અને પિતાજી,
સાદર પ્રણામ ! તમે બંને કુશળ હશો, હું પણ અહી કુશળ છું.
તમારી લખેલી ટપાલ મને એકદમ ટાઈમે મળી ગઈ હતી. અહી અમદાવાદમાં આપણા શહેર જેવું નથી. બીજા કે ત્રીજા દિવસે તો ટપાલ મળી જ જાય ! ટપાલ વાંચીને જવાબ આપવા માટે ટાઈમ નો અભાવ રહેતો. પિતાજી, તમને એવું થશે કે પહેલાતો હું દર બે ત્રણ દિવસે લખી નાખતો તો હવે કેમ ? નવો નવો હોસ્ટેલમાં રહેવા આવ્યો તો તમારી બેયની યાદ મને બહુ આવતી. માં સાથે ના લાડ યાદ આવતા. કયારેક ગુસ્સો કરીને વસ્તુ અપાવતા પિતાજી યાદ આવી જતા. આથી નવરો પડું કે ટપાલ લખવા બેસી જતો.
હવે તો તમે નહિ માનો, કોલેજમાં ચોપડા લઈને નહિ જવાનું પણ ચોપડા બહુ મોટા મોટા છે. રીફર કરવામાંજ દિવસ નીકળી જાય છે ને વાંચવામાં રાત !
શરૂઆતમાં પિતાજી પર ક્યારેક ગુસ્સો આવતો કે હોળીમાં ધાણી ચણા ને શીંગ….વળી રાત્રે હોળી ફરતે ફરવાનો આનંદ બધું ગાયબ. અહી હોસ્ટેલમાં તો બસ લોકો ભણે છે; જે નથી ભણતા તે એશ કરે છે. પણ મને તો તમે આપેલી શિખામણ બરાબર યાદ છે. કે ઘરેથી અમદાવાદ હોસ્ટેલમાં જવાનું કારણ તો વધુ ભણીને ડીગ્રી લેવાનું છે.
બા ને જણાવવાનું કે તમે આપેલા નાસ્તાના ડબ્બા હજી ભર્યાં છે. હવે કોઈની સાથે ના મોકલશો. હાલ તો પરીક્ષામાં એટલો ડૂબેલો છું કે રાત્રે જ નાસ્તો કરવાનો ટાઈમ મળે છે.
મારી જરા પણ ચિંતા ના કરશો. અને પિતાજીને જણાવવાનું કે તમે મારા ખાલી પિતાજી નથી પણ ગુરુ ય છો. ચેલો ગુરુ કરતા આગળ વધે તો, મારી બા સાથે વિવાદ ના કરતા.
ટપાલી રમેશ કાકાને કહેજો કે પરીક્ષા પછી તમને ટપાલ લખું તે ટાઈમે આપી દે. બસ હવે કોલેજમાં જવાનો ટાઈમ થઇ ગયો છે, આજુબાજુમાં બધાને મારી યાદ આપજો.
એજ લી. આપનો પુત્ર રીધમ
ચિઠ્ઠી વંચાઈ ગઈ છે. ચારેય આંખો આજે તો ધરી ધરીને નીતરી રહી છે.
Advertisements

About રીતેશ મોકાસણા

દરેક વ્યક્તિ કોઈને કોઈ શોખ સાથે સંકળાયેલી હોય છે.હું પણ મારો એક શોખ અહી કલમ દ્વારા રજુ કરું છું.આશા રાખું કે મારો બ્લોગ વાંચીને એટલા નિરાશ નહિ થાવ કે ફરીવાર આ બ્લોગની મુલાકાત લેવાનું પણ ટાળો.સૌની આશા એવી હોય કે વધુ અપેક્ષાને પ્રાધાન્ય આપીને પહેલ કરીએ,પણ ક્યાંક તેનું અવમુલ્યન થાય ત્યારે દિલ ને ઠેશ લાગે છે.સર્વે પ્યારા વાચકોને ને મારા નમસ્કાર !!
This entry was posted in નવલિકા. Bookmark the permalink.

12 Responses to ટપાલ

  1. sindhoooo કહે છે:

    I am planning to learn Gujarati alphabet so as to read your posts… I know, just being able to read will not make me understand everything. BUt, atleast I can try to understand something, I hope 🙂
    TC! Keep smiling 🙂

  2. Kalpanaa કહે છે:

    I recognised the script. But couldn’t read it. Wish there was a translate button.

  3. dee35 કહે છે:

    અંગ્રેજી માધ્યમમાં ભણેલ દરેક બાળકને આવી સમસ્યા રહેવાની એટલે જ મારો આગ્રહ છે કે ઘરમાં હમેંશા ગુજરાતીમાં જ બોલો અને બાળકોને ગુજરાતીમાં લખતાં વાંચતા શિખવો પણ કોઈની પાસે ટાઈમ જ ક્યાં છે? UKની કોઈ વેબ સાઇટ ગુજરાતી બારાખડીથી શિખવે છે પણ તે યાદ નથી. ખેર ગુગલ ઉપર ખાંખાખોળાં કરવાથી હાથ લાગશે. ઓલ ધી બેસ્ટ.

    • સાચી વાત છે સાહેબ, હું અહી 40 દેશના લોકો કામ કરતી કંપની માં જોબ કરું છું. અમુક દેશને બાદ કરતા બધા લોકો માતૃભાષામાં જ વાત કરે છે. અને કરાવી જ જોઈએ. નાના છોકરાને ફેન, કાર જેવા શબ્દો શીખવી ને માબાપ પોતાની સ્માર્ટ નેસ બતાવે છે. જો કે ઘણા લોકો ગુજરાતીમાં જ બોલતા હોય છે. ઉપરની બે કોમેન્ટ વાચો, બંને ગુજરાતી ભાષા શીખવ આતુર છે !

  4. ઇન્દુ શાહ કહે છે:

    રિતેશભાઇ’
    સરસ વાર્તા,

  5. Dilip Gajjar કહે છે:

    Riteshbhai..khub gami varta..saru prasang nirupan..

  6. aataawaani કહે છે:

    પ્રિય રીતેશભાઈ
    તમારી વાર્તા વાંચવી મને ખુબ ગમી . તમારી વાર્તા લખવાની આવડત વખાણવા જેવી કહેવાય આ તમારો કલમ ચલાવવાનો શોખ ચાલુજ રાખજો . આતાશ્રીની શુભેચ્છાઓ

  7. આતાશ્રીની શુભેચ્છાઓ !! ખુબ ખુબ આભાર આતાજી.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s