આઈસ બકેટ બીડું !!

આઈસ બકેટ બીડું !!

અમારા ગ્રુપમાં નાનામાં નાનો ટીનો, ઊંચાઈ માં નહિ ઉંમરમાં.ઊંચાઈ માંતો બધાથી તાડ જેવો.આ ટીનાનો ઉપયોગ અમે બધાએ બહુ કરેલો,બીજી ભાષામાં કહું તો ટીનો અમને લોકોને બહુ કામમાં આવેલો.એનું ઉદાહરણ આપું તો તમને લોકોને ખ્યાલ આવશે.ટીનાની એક ખાસિયત એ પણ ખરી કે સૌથી ઓછું બોલે ને; જે દિવસે બોલ્યો તે દીવસે બધાને ચુપ કરી દે, ઇવન હકાને પણ.હાઈસ્કુલથી થોડે દુર એક બાગ હતો.ગામ લોકો ગાર્ડન કે જ્યાં ભૂલકાઓનું રમતગમત કેન્દ્ર હતું એને બગીચો કહેતા.અને શહેરના નગરપતિની એક ફળવાડી હતી તેને બાગ કહેતા.આ બાગ અમને બધાને બહુ લલચાવતો.છોકરાઓ તો ખાવાનું જોઇને લલચાય પણ આ બાગથી તો ભલભલા લલચાય એવો હતો.કારણ સામાન્ય હતું; એમાં કેરી, દાડમ, જાંબુ,જામફળ, રાણક, અને લીંબુ જેવા ફળો બારે માસ લચકતા હોય.
અમારા ગામમાં કેરી ઓ મોટી મોટી થતી જોવી; એય એક ગામનો મોભો ગણાતો.મારા ઘરે કેરીના બે ઝાડ ખરા પણ બહુ નાની ઉંમરના હોઈ કેરીઓ આવતી નહોતી.આવા લચક લચક લહેર લહેરાતા ફળો એક સમાન્ય ગામમાં જોવા મળે એના માટેથી નગરપતિ ચંદુલાલ ફેમસ.ગામ આખાની નજર આ બાગ પર.પણ ચંદુલાલની થોડી ધાક અને પોત પોતાની શરમને ધ્યાનમાં રાખીને બાગમાં જતી લાલચુ નજરને વાળી લેતા.અમે લોકો નજરને વાળવા બહુ ટ્રાયો કરતા પણ જેટલી વાળવા ટ્રાયો કરીએ એટલી નજર અમારી વાડીમાં ઊંડે સુધી જતી રહેતી.પણ ચંદુલાલ એમ કઈ કચપાક્કા નહિ.ખાટાં જામફળ જેવા ! બાગને ફરતી ઉંચી દીવાલ કરી લીધેલી જેથી ઢોર અને અમારા જેવા ગામના છોકરાની રંજાડ ના લાગે.
ટીનાની હાઇટ કામ ની શું ? એવું બધા બોલ્યા ને ટીનાને બહુ અભિમાન નહિ.થોડી હવા ભરીયે કે ભોળવાઈ જાય. અમારા બધામાં હકો ભારે કાબરો અને એનાથી કાબરી નરિયો. પણ એના બાપની એટલી ધાક કે દર વખતે તે અમારી સાથે ના પણ હોય.વીર હકેશ્વરને થોડી હવા ભરવી પડે એવું ખરું ! એની ગરજ હોય એટલે હકેશ્વર કહેવાનું;બાકી તો હકો પણ નહિ,બધા એને હકલો જ કહીએ.આ વીર હકો, ટીનાના ખભા પર ચડીને ઉંચી દીવાલ કુદી જાય;અને સાથે કોઈ બીજાને પણ લેતો જાય.આવી રીતે ટીનાએ પોતાના બાળપણનો ભોગ અમારા માટે આપેલો.અમારી પોળની બોલીમાં કહું તો ટીનો આમારી સીડી !
આ ટીનાના છોકરાની સ્કુલમાં એન્યુલ ફંક્શન, એના સરે એને પરાણે ડ્રામામાં રાખેલો.
“ ડેડી..મને થોડી ગાઈડ લાઈન જોઈએ.”
“ લે પૈસા એમાં શું છે ગાઈડ લેતો આવા લાઈન દોરી આપીશ. ”
“ ડેડી…વાંચવાની ગાઈડ નહિ. મને થોડું ગાઇડન્સ આપો. ”
“ શું આપું ?? ” ટીનાએ કામ પડતું મુકીને પૂછ્યું.
“ સ્કુલમાં મારે ડ્રામામાં ભાગ લેવાનો છે તો થોડી રાજા વિષે માહિતી આપોને ? ” ટીનાના છોકરાએ જે વાત કરી તેથી તો ટીનો મુંજાઈ ગયો.રાજાની વાત ?? અરે રે પોતે પણ ક્યારે રાજાને મળ્યો હોય કે વાત કરે.રાજાની તો ખાલી વાર્તાઓ જ સાંભળી છે.હવે શું કરવું ? પણ તેને યાદ આવ્યું કે એક વાર દિલાએ ડ્રામામાં ભાગ લીધેલો.
“ એક કામ કર બેટા, દિલા અંકલ પાસે જા એ તને વધુ મદદ રૂપ થશે. ” કહીને ટીનાએ પોતાની ઘાતને દિલા બાજુ મોકલી આપી.આથી તેનો છોકરો દિલાના ઘરે ગયો.
“ અંકલ મને થોડું રાજા વિષે કહેશો ? ”
“ કેમ અલ્યા; તારા ડેડી કોઈ દેશ પર ચઢાઈ કરાવવાના છે કે શું ? ”
“ એ બધું છોડી મને પ્લીઝ કશું સમજાવો; દશ દિવસ પછી મારે ડ્રામામાં ભાગ લેવાનો છે. ”
“ નાટક..? જો જે ધ્યાન થી તૈયાર થજે નહીતર મારી જેમ રંગાઈ જઈશ ને લોકો હસી હસીને તારી ઉડાવશે. ”
“ કેમ રંગાઈ ગયા એટલે ? ”
દિલાએ પોતાના નાટકની આખી વાત કરી કે એ વખતે ટીનો બહુ હસેલો ને વર્ષો પછી આજે તેનો દીકરો હસી પડ્યો.
જયારે ટીનાનો દીકરો દિલાના ઘરેથી પાછો વળ્યો ત્યારે ખુશ દેખાતો જોઇને દિલાએ હાશકારો અનુભવ્યો.અને વળી પોતાના કામમાં લાગી ગયો.
એન્યુઅલ ફંકશનનો આજે દિવસ હતો.રાત્રે બધા વાલીઓને આમંત્રણ મળેલું આથી ટીનો અને દિલો બેય સ્કુલે પહોંચી ગયા.બે ય હરખાતા હરખાતા જતા હતા.
“ ટીના એક વાર આ દીવાલ કુદવામાં મારો પગ ભાંગેલો ખબર છે ? ”
“ હા, પણ ભૂલી ગયો કે દીવાલ તું શું કામ કુદેલો ? કોઈ હરીફાઈ હતી કે ? મને બહુ મગજમાં નથી. ”
“ કેવાની હરીફાઈ…મારો ડોહો લાકડીને લઈને મારવા દોડેલો તે ”
“ એવું ના કે યાર,તારા પપ્પા તો તોયે સારા હતા.મારી વાત કર ને; તારો તો એક વાર પગ ભાંગ્યો પણ મારે તો દર વખતે પીઠ ભાંગતી ? ”
“ એવું કેવું ? ” દિલાએ જાણી જોઇને પૂછ્યું.
“ ડફોળો, તમે બધા આ દીવાલ ને ઝાડો પર તો મને ઘોડો બનાવીને ચડતા. ” ને બેય હસી પડ્યા.
“ અલ્યા ટીના હવે નાટક ચાલુ થાય છે, તારો છોકરો પણ આવશે;એ બાજુ ધ્યાન દઈએ હવે. ”
પડદો ઉઘડે છે ને એક હજુરિયો આવીને રાજાની પધરામણી કરવા માટે કશુક ગાય છે. “ ……..રાજાને ઘણી ખમ્મા !! ”
“ આ શું ગાય છે અંકલ ? ”  દિલાની બાજુમાં બેઠેલ એક છોકરાએ પૂછ્યું.
“ એ ગાઈ લે પછી રાજાને ખબર પડે હવે સ્ટેજ પર જવાનો નંબર એમનો છે. ”
“ અલ્યા ડફોળ, એતો છડી પોકારતો હતો, રાજાને ખુશ કરવાની. ”
“ મને ખબર છે ટીનીયા પણ આ છોકરો જીવ ખાશે, બીજા દશ સવાલ કરશે.ચુપ રે ને બે ” કહીને દિલાએ ટીનાને ચુપ કર્યો.તેમ છતાં પણ એ બોલવા જતો હતો પણ દિલાએ સ્ટેજ બાજુ જોવાનો ઈશારો કર્યો કે તે ચુપ થઈને ડ્રામા જોવા લાગ્યો.
“ તે મમ્મી, આ રાજા ને ગાવાની ભાષામાં જ ખબર પડે ? ”
“ તું હમણા ચુપચાપ જોવા લાગ, ઘરે જઈને બધું સમજાવીશ. ” બાજુમાં બેઠેલ દિલાએ પણ આ સાંભળ્યું કે તે ખુશ થયો અને એક સ્મિત તેની મમ્મી સામે કરીને મનોમન આભાર માનવા લાગ્યો.ને વળી નાટક જોવા લાગ્યો.
વારા ફરતી સ્ટેજ પર લોકો આવવા લાગ્યા છે.કોઈએ સિપાહીનો ડ્રેસ, કોઈ ખેડૂત તો કોઈ ભરવાડ તો કોઈ બ્રાહ્મણ ને કોઈ વળી વેપારીનો ડ્રેસ પહેરીને આવે છે.વચ્ચો વચ્ચ રાજા ખુરશી પર બેઠા છે.ટીનાનો છોકરો પણ હાથમાં ભાલો લઈને નીચે બેઠો છે.બાકીના બધા છોકરા પણ પોત પોતાના કિરદાર પ્રમાણે કપડા અને હથિયાર ધરીને બેઠા છે. રાજાએ દરબારમાં ચારેબાજુ નજર ફેરવીને બોલ્યા: “ પ્રધાનજી, આપણા રાજ્યમાં કેવું ચાલે છે ? ”
“ નામદાર, આપના છેલ્લા ફરમાન મુજબ નગરમાં ઠેર ઠેર કેમેરા ગોઠવી દીધા છે અને કાયદો ભંગ કરે તેને યોગ્ય સજા પણ થાય છે. સાયબર કાફેમાં આઈડી વગર સર્ફિંગ કરવાનો ગુનો દાખલ કરેલ છે. ભિખારીઓને ટોકન નંબર આપીને અમુક એરિયા વહેંચી આપ્યા છે. ”
“ ખુબ સરસ, જેમણે કેમેરાનો આઈડિયા આપેલ છે તેમને પ્રમોશન મળશે. કોઈ ગુનો કે નવી એફ આઈ આર ? ”
“ ના, હમણા કોઈ એવો ગુનો કે કશું નોંધાયું નથી. ”
“ હમ..બ્રેવો….જુઓ લોકોમાં મારી કેવી હાક છે કે…. ” રાજાએ મુછ પર હાથ ફેરવીને બોલતા હતા કે એક વેપારી ઉભો થઈને બોલ્યો
“ એવું કશું નથી રાજાજી હાથ નીચે લઇ લો. ” એટલે સભામાં ધીમો હાસ્ય ધોધ ફરી વળ્યો.
“ ખામોશ….નગરપતિ શું વાત છે જરા સર્વે દરબારીઓને પણ કહો. ”
“ હમણા માર્કેટમાં એક નવું તુત આવ્યું છે;બધા એમાં ગળાડૂબ છે કે ગુના તો ઠીક પણ બીજું કઈ નથી થતું. ”
“ એવું શું નવું તુત આવ્યું છે બાંકે ? ” એક સિપાહી સામે જોઇને રાજાએ પૂછ્યું.”
“ હું તો કાલે જ હોંગકોંગની ટ્રીપમાંથી આવ્યો; તો બાપુ મને બહુ આઈડિયા ના મળે. ”
“ તને ખબર છે ગંભુ ? ” ગામ આખાની ખબર રાખતા ગંભુને પૂછ્યું.પણ ગંભુ તો નીચું જોઈ ગયો.અને બાજુ વાળાને કોણી મારીને કહેવા કહ્યું. રાજાનું ધ્યાન તેના પર પડ્યું કે બીકનો માર્યો ઉભો થયો.
“ હમણા બધા આઈસ બકેટ ચેલેન્જમાં પડ્યા છે ” કહીને તે બેસી ગયો.
“ એવું શું વળી ?? ”
“ એટલે જ તો રાજાજી તમને કહું છું કે વોટ્સ એપ અને ઈમૈલમાંથી બહાર નીકળીને માર્કેટમાં પણ થોડું ધ્યાન આપો. ”
“ કોણે કહ્યું હું માર્કેટમાં ધ્યાન નથી આપતો ? તમે એવું ના માનો કે રિલાયન્સના શેરના ભાવની મને ખબર નથી.પણ આઈસ બકેટ ચેલેન્જની નથી ખબર. ”
“ એમાં એવું છે કે તમે ચેલેન્જ લો એટલે તમારા પર કોઈ બરફના પાણીની ડોલ ઢોળે. ”
“ હમમ ઈંટરેસ્ટિંગ !!! સેનાપતીજી સભામાં બીડું ફેરો ને જાહેર કરો કે જે કોઈ આઈસ બકેટ બીડું લે છે એ લોકોનો એક સ્વયંવર રચાશે. ”
“ સ્વયંવર ??? ” બધા એક સાથે બોલી ઉઠ્યા.
“ હા સ્વયંવર, બીડું ધરેલા દરેક પર આઈસ બકેટ ઢોળવામાં આવશે અને જેના અંગનું એક પણ રુવાંડુ ના ફરકે તેને…… ” ને રાજા વિચાર કરવા લાગ્યા.
“ રીહર્સલમાંતો આવો કોઈ ડાયલોગ નહોતો. ” ભરવાડના વેશમાં બેઠેલ છોકરો બોલ્યો.
“ છાનો માનો બેસ, પહેલા રાજાની ઓફર તો સાંભળી લે ” બાજુ વાળાએ તેને ચુપ કર્યો.
“ હા, તો શું મહારાજ ? ”
“ મહારાજ,લેન્ડક્રુજર તો હવે એક જ છે; મહેલ પાછળના બધા પ્લોટો પણ વેચી દીધા છે, કેર અબાઉટ ઈટ પ્લીઝ ! ” સેનાપતિએ રાજાને વાકેફ કર્યા.આથી સૌ એક બીજા સામે ઉત્સુકતાથી જોઇ રહ્યા.
“ તેને રાજ તરફથી બે હોર્સ ફ્રી. ”
“ મહારાજ, નામદાર હવે તો હોર્સના ટ્રેક પણ નથી. અને આપ નામદારે જ તો અમુક રોડ પર હોર્સને જવાનો પ્રતિબંધ લગાવેલ છે. ”
“ એક કામ કરો બીડું તો ફેરવો કોઈ તૈયાર થાય કે કે કેમ ! ” નગરપતિએ પ્રસ્તાવ મુક્યો કે બધાએ સંમતી આપી.એક છોકરી ડીશમાં ચોકલેટ લઇ આવી છે.
“ અલ્યા આ તો ચોકલેટ છે બીડું ક્યાં ? ” કોઈ બોલ્યું કે રાજા સાંભળી ગયા.
“ સભાજનો અત્યારે પાન કોઈ ખાય છે કે ? આથી ચોકલેટ રાખી છે.ભડવીરો ઉઠાવી લો ચોકલેટને,સોરી બીડાને ” કહીને રાજા ખુરશી પર બેઠા.દાસી બનેલી છોકરી બધાની સામે પેલી ડીશ ધરે છે.લોકો ચોકલેટની ડીશ ને પણ આઈસ બકેટ માનીને ધ્રુજે છે.પણ સિપાહી બનેલ ટીનાનો દીકરો બીડું ઉઠાવે છે.અને રેપર ખોલીને ખાવા જાય છે કે ટીનો સ્ટેજ પર દોડી આવે છે અને પોતાના છોકરાના હાથમાંથી ચોકલેટ લઇ લે છે.
“ હું તને આનાથી મોટી ચોકલેટ અપાવીશ, ખબરદાર આઈસ બકેટ ચેલેન્જ લીધી છે તો. ”
“ સિપાહીઓ આ ગુનેગારને અહીંથી લઇ જાવ અને કાળી કોટડીમાં પૂરી દો. ”
“ નામદાર એતો મારા ડેડી છે એમને પનીશમેન્ટ મળી તો હું બીડું પાછુ મૂકી દઈશ. ”
“ એમ ??? જવા દો ” કહીને વળી રાજા બેસી ગયા. હાથથી ‘ આઈસ બકેટ ’ લઇ આવવા હુકમ કર્યો. આઈસ બકેટ લઈને કોઈ આવ્યું અને ટીનના છોકરા પર ફેંકી. એક પણ જાતના ઉંહકાર વગર તે ઉભો રહ્યો; રાજા ખુશ થયા ને પડદો પડી ગયો.
ટીનો તો હાંફળો ફાંફળો ઘરે ગયો ને છોકરાની રાહ જોવા લાગ્યો. તે ઘરે આવ્યો કે તેના હાથમાં એક ગીફ્ટ બોક્ષ જોયું કે ટીનો થોડો ઢીલો પડ્યો.
“ કેમ લ્યા ઘરે તો કદી ઠંડા પાણીએ પણ નહાતો નથી ને નાટકમાં આઈસ બકેટ ?? ”
“ ડેડી શું તમે પણ ! એ તો ડ્રામા હતો.બધાને થોડી ખબર કે પાણી તો નોર્મલ હતું.આથી ટીનો તો પાછો હૂંફમાં આવી ગયો.અને પોળમાં બધાને પોતાનો ફોટો બતાવતો ફરે. “ જુઓ બોસ, આપણે પણ આઈસ બકેટ ચેલેન્જ સ્વીકારી એનો ફોટો. ” આમ ફરતો ફરતો મારી પાસે પણ આવ્યો; અને ફોટો બતાવ્યો.
“ મને તારા ટેણિયાના નાટક વાળી ખબર છે, બહુ ફાંકા ના માર. ” મેં કહ્યું કે ટીનો ઢીલો પડી ગયો.
“ પ્લીઝ પોળમાં કોઈને કહેતો નહિ કે મેં ફોટો નોર્મલ પાણીએ પડાવ્યો છે.”
Advertisements

About રીતેશ મોકાસણા

દરેક વ્યક્તિ કોઈને કોઈ શોખ સાથે સંકળાયેલી હોય છે.હું પણ મારો એક શોખ અહી કલમ દ્વારા રજુ કરું છું.આશા રાખું કે મારો બ્લોગ વાંચીને એટલા નિરાશ નહિ થાવ કે ફરીવાર આ બ્લોગની મુલાકાત લેવાનું પણ ટાળો.સૌની આશા એવી હોય કે વધુ અપેક્ષાને પ્રાધાન્ય આપીને પહેલ કરીએ,પણ ક્યાંક તેનું અવમુલ્યન થાય ત્યારે દિલ ને ઠેશ લાગે છે.સર્વે પ્યારા વાચકો ને મારા નમસ્કાર !!
This entry was posted in હાસ્યલેખ/ જોક્સ. Bookmark the permalink.

4 Responses to આઈસ બકેટ બીડું !!

  1. dee35 કહે છે:

    Very funny and nice .Please keep it up.

  2. Ritesh Mokasana કહે છે:

    Thank you very much for you encouragement !!

  3. Dhara Divecha કહે છે:

    Haha haaaaa…….veru funny

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s