રંગલો રંગાઈ ગયો.

રંગલો રંગાઈ ગયો.

રિસેસના સમયે સ્કુલના નોટીસ બોર્ડ પાસે વિદ્યાર્થીઓની ભીડ જામી છે. ઘણા સમયથી કોઈ નોટીસ લાગેલી નહિ ને આજે રીસેસ પડી કે બધાને ખબર પડી છે. સૌ કોઈ આતુરતાથી નોટીસ વાંચે છે.આમેય સ્કુલમાં નોટીસની નવાઈ બહુ !
છ લોકો નું ટોળું આવે છે જેમાં મુખ્ય મનો, કનો, ટીનો, રઘો, હકો અને દિલો. આ બધી ગેંગ જેવી રીસેસ પડે કે મુતરડી બાજુ ભાગે. જોકે ઘણી વાર તો આમાંનો કોઈ એક તો રીસેસને થોડી વાર હોય તો પણ ટચલી આંગળી ઉંચી કરીને ઉભો થયો જ હોય !
“ રીસેસને દશ મિનીટ ની જ વાર છે ” સાહેબ તાડૂકીને કહેતા.
“ સાહેબ બહુ લાગી છે. ” નશરમો થઈને દિલો તોયે ટચલી આંગળી ને સજા કરતો હોય તેમ ઉંચી રાખીને ઉભો રહેતો.
“ ઠીક છે જા, અલ્યા મના, મારે થોડી આંબલી જોઈતી હતી…કાલે પાડી લાવીશ ? ”
“ મનો તો ફટુ છે, હું પાડી લાવીશ સાહેબ. ” ઘડી પહેલા આગળ હાથ દબાવીને રજા માંગતો દિલો ઉભો રહી ગયો.
“ તું જા, હમણા તો રજા માંગતો ઉતો. ”
“ થોડી વાર ચલાવી લઈશ. ” નફફટ થઈને તે બોલ્યો.
“ મારે કોઈ આંબલીની જરૂર નથી..મને ખબર હતી કે તારે કોઈ જલ્દી નહોતી. ”
“ શેની ? ”
“ બહુ કાલો થયા વિના બેસ હવે ” સાહેબ એની સામે ડસ્ટર ફેંકીને અકળાતા.
પણ આતો દિલો એમ કઈ ગાંજ્યો જાય એવો નહિ.વળી પાછો અઠવાડિયા પછી ટચલી આંગળી ઉભી કરીને રજા લેવા ઉભો થઇ જાય !
આ બધા એ જોયું કે નોટીસ બોર્ડ પાસે તો લોકો ટોળે વળીને ભીડ જમાવી છે. આથી એક છોકરાને ઉભો રાખીને હકાએ પૂછ્યું. “ કેવાની નોટીસ છે ? ”
“ મારો એમાં ક્યાં ટર્ન લાગે એમ છે; એક તો હું પાછો નીચો. ”
“ ભાગ હાળા ટેણીયા. ” કહીને હકાએ પેલાને ઉતરડી પાડ્યો.
બધાને કુતુહલ થયું કે ઘણા સમયે નોટીસ છે તો કોઈ ખાસ હોવી જોઈએ. આમ થોડી ઘણી બુદ્ધિ હલાવે ખરા !
“ ટીના તું બધાથી ઉંચો છે જા, જઈને નોટીસ વાંચતો આવ. ” કના એ કહ્યું.
“ જેટલો ઉંચો છું એટલી જ વધારે આળસ છે મારામાં ! ” ને તે ખંધુ હસ્યો.
“ હકો જ આ કામ કરી શકે તેમ છે કેમ વિના ? ” ને વિનાએ પણ હકાને હવા ભરી.
“ હા, હો. ” રઘા એ પણ સાથ પૂર્યો.
“ જ્યાં કોઈ ના પહોંચે રવિ ત્યાં કવિ ને જ્યાં ના કવિ ત્યાં પહોંચે હકો ” એમ કરીને હકો તૈયાર થયો કે રીસેસ પૂરી થવાનો ડંકો વાગ્યો.
“ હકો નસીબદાર ખરો ” ટીનાએ કહ્યું.
“ અલ્યા,રીસેસ પૂરી થઇ એ તો ઓર સારું થયું….એય મજાના નિરાંતે વાંચશું બધા જાય પછી. ” હકાએ તાનમાં આવીને કહ્યું.
“ હમ….બધા જાય તેની રાહ જોઈએ પછી જઈએ. ” દિલાએ કહ્યું.
“ હા, આમેય આપણે ક્લાસમાં હોય કે બહાર શું ફેર પડે છે ? ” બધાએ સુર પૂર્યો.
જેવા બધા વિખરાયા કે આ ટોળું પહોંચી ગયું નોટીસ બોર્ડ પાસે.એકરસ થઈને વાંચવા લાગ્યું.હકો પણ આંખોને નોટીસમાં ખોદીને વાંચે છ, કે અચાનક કોઈએ તેનો કોલર પકડ્યો.
ઉંચે જોયું તો પ્રિન્સીપાલ દેખાયા;સાક્ષાત મોઢામાંથી ધુમાડા કાઢતા ડેની જેવા. કારણે કે એ ટાઈમે અગ્નિપથના ડેનીએ સારી એવી ધાક જમાવેલી.
“ કેમ હજી બધા ક્લાસમાં નથી ગયા ? ” તાડૂકીને તેઓ બોલ્યા.
“ આ નોટીસ….. ”
“ કેમ બીજા બધા વાંચી ને ફટાફટ જતા રહ્યા તો કેમ તમને ભણવું નથી ગમતું ? ”
“ હા સાહેબ.. ” હકો મનમાં બોલ્યો પણ પ્રિન્સીપાલને તો સાચેજ બોલ્યો હોય તેમ તેના પર ગુસ્સે થયા.
“ આ હકલાને તો ભણવું નથી પણ તમારે બધાને પણ એની વાદે બગડવાનું છે ? ”
“ એમાં દર વખતે મનેજ શું કામ પકડો છો ? ”
“ જાઓ હવે ક્લાસમાં નહિ તો બેંચ પર ઉભા રખાવીશ ”
પ્રિન્સીપાલ અકળાયા કે બધા પોતપોતાના ક્લાસમાં જતા રહ્યા.
ક્લાસમાં ગયા કે ક્લાસ ટીચરે નોટીસ વિષે જણાવ્યું.આથી હકોને દિલો મનમાં રાજી થયા “ સારું થયું નોટીસ ના વાંચી તે ”
સ્કુલમાં એક ફંક્શન રાખવાનું છે, એક પ્રોગ્રામનું આયોજન કરવાનું છે; જેમાં ગીત, જોક્સ, નૃત્ય અને નાટક વિગેરે.
જોકે આવા સાંસ્કૃતિક પ્રોગ્રામમાં આ ગેંગને બહુ રસ નહિ. પ્રોગ્રામ જુએ ત્યારે પણ ગમ્મત ને એકબીજાની ટીખળ કરતા હોય.આ પ્રોગ્રામને સફળ કરવા માટેની જવાબદારી ભટ્ટ સાહેબને આપી હતી.
કલાસે કલાસે ફરીને ભટ્ટ સાહેબે, ઉત્સાહિત ને જાણકાર લોકોને ભાગ લેવા તૈયાર કર્યા. વિદ્યાર્થીઓ એ પણ બહુ ઉત્સાહથી રસ લીધો. અને બધા રીહર્સલ માટે લાગી ગયા. આ બાજુ આ ગેંગને મજા પડી ગઈ.કારણ કે રીહર્સલ ચાલુ હોય તે ક્લાસ વાળાને ભણવાનું બંધ.તે આ બધા બંદા કાં તો ક્રિકેટ રમે યા તો ફૂલવાડીમાં કે બગીચામાં જઈને રમે.
પ્રિન્સીપલે એક વાર આવીને બધા કાર્યક્રમાં વિષે જાણી લીધું ને રિહર્સલમાં પણ ભાગ લીધો. બીજું બધું તો એમને બરાબર લાગ્યું પણ નાટક વિષે એમને ટીપ્પણી કરી. નાટક થોડું વધારે પડતું કરુણ હોઈ…થોડું કોમેડી ઉમેરવા માટે સુચન કર્યું.
બધા ટીચરોને બોલાવીને વાત કરી તો કોઈ એક ટીચરે રંગલાનું પાત્ર ઉમેરવા કહ્યું. આથી બધાએ રંગલાના પાત્રને વધાવી લીધું. નાટક વાળાને ને બધાને બોલાવ્યા. અને પાત્ર ઉમેરવા માટે વાત કરી તો તેઓ પણ રાજી થઇ ગયા. પણ હવે તો પ્રોગ્રામને થોડા દિવસની જ વાર હતી. કોણ તૈયાર થાય ?? ભટ્ટ સાહેબ ગમે તેમ કરીને પાત્ર વિષે તૈયાર કરવાનું બીડું જડપ્યું. પણ પાત્ર ભજવવા વાળો કોને ખોળવો ?? એક સવા મણનો પ્રશ્ન સામે આવીને ઉભો રહ્યો.
બહુ બધી શોધ ખોળને અંતે કોઈએ દિલાનું નામ આપ્યું. દિલો થોડો રમુજી પણ ખરો. પહેલા તો દિલો માન્યો નહિ પણ પ્રિન્સિપાલે જ વાત કરી એટલે માની ગયો. અને ખાનગીમાં પાસ કરી દેવાની પ્રોમિસ પણ અપાણી. દિલો તો રિહર્સલમાં ભાગ લેવા લાગ્યો. એક વાર પ્રિન્સીપાલ ખુદ આવીને રીહર્સલ જોઈ ગયા. ને દિલાને સાબાશી પણ આપી.
દિલાએ ઘરે આવીને બાપાને વાત કરીકે, એને એક લાંબો ડગલો ને લાંબી ટોપી જોઇશે.
એના બાપા બિચારા જાજુ ભણેલા નહિ
“ દિલા, ડગલો તો ઠીક પણ લાંબી ટોપી કેવી ? ” દિલાને પૂછ્યું.આમતો દિલાની કોઈ વાતને માન્ય ના રાખે પણ સ્કુલની વાતમાં બહુ લપ ના કરે.
“ કલર વાળીને ઉંચી; લગભગ એક ફૂટ તો ખરી. ” એમ કરીને પોતે જાણે મોટો ચિત્રકાર હોય તેમ પેપરમાં દોરીને બતાવ્યું.
“ આ ટોપી દોરી કે ગાજર દિલા ? ”
“ બસ ગાજર જેવી લાગે તેવી જોઈએ ” છાતી ફૂલાવતો તે બોલ્યો. જાણે તેના બાપા સમજી ગયા.
“ આલે બે રૂપિયા..એક પતંગ કાગળ લઇ આવ. ”
“ કેમ પતંગ કાગળ ? ”
“ તો જો જે તો ખરો કેવી ટોપી બનાવું તે ” ને દિલાના બાપાએ આવડી એવી ટોપી બનાવી દીધી. કલર કલરના અટાપટા પાડ્યા.
આ બાજુ પ્રોગ્રામનો દિવસ આવી ગયો. રાતનો પ્રોગ્રામ હતો.
બધા વિદ્યાર્થીના વાલીઓને પણ બોલાવાયા હતા. અને થોડા ગામના આગેવાનો પણ હતા. સ્કુલના મેદનમાં ખાસી એવી ભીડ એકઠી થઇ ગઈ. દિલાના બાપા પણ બિચારા આગળ આવીને બેસી ગયા હતા. તેમની બાજુમાં બેઠેલાઓને છાતી ફુલાવી ફુલાવીને કહેતા હતા કે “ મારો દિલો પણ ભાગ લેવાનો છે.અને એ જે ટોપી પહેરવાનો છે તે મેં જ બનાવી આપી છે. ”
હવે આ બાજુ એક પછી એક આઈટેમ ચાલુ થવા લાગી. લોકો બધાને તાળીઓથી વધાવે છે. નાટકનો વારો સૌથી છેલ્લે જ હોય ! આ બાજુ દિલાને પોતાના બાપાના પરાક્રમની ખબર પડી. દીલાથી રહેવાયું નહિ. આથી ગંજી અને ચડ્ડી ભેર જ પોતાના બાપા પાસે પહોંચી ગયો.
“ શું તમે પણ બધા પાસે લવારા કરો છો ? ”
“ પણ બેટા આ કેમેરા વાળ ફોટા પડે છે. તારો આવો ફોટો જોઇને લોકો ચીડાવશે. ” આથી ભોંઠો પડતો તે સ્ટેજમાં જતો રહ્યો. આ બાજુ બધા તેની રાહ જોતા હતા.
“ અલ્યા દિલા તું જટ તૈયાર થઇ જા. જો સામે ખૂણામાં તારા કપડા પડ્યા છે. ત્યાં લાઈટ નથી પણ ધ્યાન રાખજે અને જલ્દીથી તૈયાર થઇ જા.હવે તારો જ વારો છે. ”
“ સારું ” કહેતો ને દિલો ખૂણામાં પુગી ગયો. ફાટફાટ કપડા પહેરીને તે તૈયાર થઇ ગયો. એ જેવો આવ્યો કે મેક-અપ વાળા ભાઈએ બોલાવ્યો.
“ રંગલા આહીં આવ; થોડો મોઢા પર મેક-અપ કરી દવ.”
ત્યાતો દિલાને જવાનો વારો આવ્યો. બે લાઈન બોલીને તરત પાછા આવવાનો એવો પહેલો સીન હતો.
રંગલો તો બે લાઈન બોલીને તરત પાછો આવ્યો પણ લોકો એટલું બધું હસ્યા કે આગળ નો સીન કરુણ હતો તો પણ બધા હસી રહ્યા હતા.રંગલો લાઈટમાં આવ્યો પછી ખબર પડી કે રંગલાએ જે ડગલો પહેરેલો તેની ઉપર ભૂલમાં બ્લાઉજ પહેરી લીધેલું અને મેક અપ મેને સફેદ ને બદલે લાલ કલર કરી આપેલો.
બધા લોકો ખુબ રાજી થયા…કારણ રંગલાનું પાત્ર તો બધાને હસાવવા માટે જ હોય ! પણ નાટક પૂરું થયું પછી દિલાએ ખુબ તોફાન કર્યું કારણે કે રંગલો તો રંગાઈ ગયો ને ??
Advertisements

About રીતેશ મોકાસણા

દરેક વ્યક્તિ કોઈને કોઈ શોખ સાથે સંકળાયેલી હોય છે.હું પણ મારો એક શોખ અહી કલમ દ્વારા રજુ કરું છું.આશા રાખું કે મારો બ્લોગ વાંચીને એટલા નિરાશ નહિ થાવ કે ફરીવાર આ બ્લોગની મુલાકાત લેવાનું પણ ટાળો.સૌની આશા એવી હોય કે વધુ અપેક્ષાને પ્રાધાન્ય આપીને પહેલ કરીએ,પણ ક્યાંક તેનું અવમુલ્યન થાય ત્યારે દિલ ને ઠેશ લાગે છે.સર્વે પ્યારા વાચકો ને મારા નમસ્કાર !!
This entry was posted in હાસ્યલેખ/ જોક્સ. Bookmark the permalink.

33 Responses to રંગલો રંગાઈ ગયો.

  1. Kiran Vora કહે છે:

    hahaha…………….Rangalane rangi nakhyo

  2. vkvora Atheist Rationalist કહે છે:

    વાહ વાહ ….. રંગલા….

  3. Tanya કહે છે:

    સંક્ષિપ્ત પરંતુ ખૂબ જ સચોટ માહિતી …
    તમારી રચનાઓ શેર કરવા માટે આભાર.

    એક લેખ વાંચી જ જોઈએ!

  4. yuvrajjadeja કહે છે:

    ક્યા બ્બાત … યે બ્બાત… તા થૈયા થૈયા તા થઇ.. enjoyed a lot..

    • riteshmokasana કહે છે:

      અવાર નવાર આવીને મારા આંગણને શોભાવીને મને ધન્યતા પ્રાપ્ત કરાવો છો, આમજ આવતા રહેશો. તમારા આંગણે ઘણી આવી જાઉં છું, મજાના ગુજરાતી ફિલ્મના રીવ્યુ વાંચીને પાછો પ્રાથમિક શાળા એ બેગ ખભે ભરાવીને જતો રહું છું.
      Thank you very much Yuvarajaji !!

  5. Margherita કહે છે:

    Good humur for childhood story !!

  6. Rojal કહે છે:

    I like what I see so now i am following you. Look forward to looking at your web page for a second time.

  7. Zarana કહે છે:

    It’s going to be end of mine day, but before end I am reading this impressive paragraph to increase my knowledge.

  8. Joravar કહે છે:

    It’s amazing in favor of me to have a site, which is beneficial for my knowledge.
    thanks once again.

  9. jahal કહે છે:

    Greetings from Colorado! I’m pleased to read this blog. Anyways, fantastic
    blog!

  10. charlotte કહે છે:

    My partner and I absolutely love your blog and find a lot of your post’s to be what precisely I’m looking for.
    Do you offer guest writers to write content available for you?
    I wouldn’t mind writing a post or elaborating on many of the subjects you write concerning here.
    Again, awesome web log!

  11. Divyesh Dave કહે છે:

    ખુબ મોઝ કરાવી દીધી રીતેશભાઈ

  12. PinjamanModal કહે છે:

    What’s up to all, since I am truly eager of reading this webpage’s post to be updated daily.

    It includes nice stuff.

  13. Brenda કહે છે:

    Nice blog ! Nice design , but sorry to say i can’t reas single word !!!!

  14. Melissa કહે છે:

    Thanks for ones marvelous posting! I certainly enjoyed reading it, you might be a great author.
    I will make certain to bookmark your blog and will eventually come back in the foreseeable
    future. I want to encourage one to continue your great posts,
    have a nice morning!

  15. กำจัดหมัด કહે છે:

    It’s going to be ending of mine day, however before ending I am
    reading this fantastic article to improve my knowledge.

  16. Gizi ibu hamil 2 bulan કહે છે:

    Hello, I enjoy reading through your post. I wanted to write a little comment to support you.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s