વોટ મને આપજો હો કે !

વોટ મને આપજો હો કે !
મારો એક મિત્ર થોડો ભોળો અને થોડો પાગલ ! નામ એનું મુંજો.તેની ફોઈએ નામ તો મજાનું રૂડું રૂપાળું મુંજ રાખ્યું છે,પણ અમે બધા મિત્રો અને તેના સગાવ્હાલાએ ભેગા મળીને તેને એક વિશેષ ઉપાધી રૂપે નવું નામ આપ્યું “ મુંજો ”, અને મુંજો બધાનો લાડકો થઇ ગયેલો.થોડો નટખટ પણ ખરો.ચાલતો જતો હોય તો તેના વિશે કોઈ અટકળ કરવી હિતાવહ નહિ ! રસ્તા પર ચાલ્યો જતો હોય અને ક્યાંક કુતરું શાંતીથી સુતેલું હોય તો ત્યાં જઈને તેની પૂછડી પર પગ મુકે.એટલે કુતરું ઓંક ઓંક….કરતુ ભાગે અને આ વીર ઉભો ઉભો કોઈ પુરષ્કાર મળ્યો હોય તેમ વીલું વીલું હસતો હોય !
નાનો હતો ત્યાર થી તેને કોણ જાણે રાજકારણ માં રસ, કે રસિયો બની ગયો.દીવાલો પર કોઈ ચુંટણી નું પોસ્ટર જુએ કે વાંચવા ઉભો રહી જાય!અને એવો તલ્લીન થઇ ને વાંચે કે એટલી તો ભણવાની બુકો પણ નહિ વાંચી હોય.રાજકારણ નું ભૂત એવું ભરાઈ ગયું કે કોઈ પણ વાત ને પોલીટીક્સ ની નજરે જુએ કે બોલે.
ભણતો ત્યારે કોઈએ વળી સલાહ આપી કે પોલીટીક્સમાં જવા માટે ક્લાસ મોનીટર એ પહેલું પગથીયું છે.તો પહેલા તો તેને ગણકાર્યું નહિ પણ બે ત્રણ ને પૂછી જોયું પછી માન્યો..પણ પહેલા તો તમ્મર ખાઈ ગયો.ક્લાસમાં ઓલરેડી પહેલેથી મોનીટર છે.અને એની છાપ પણ એકદમ સારી અને સરળ.હવે શું કરવું ???
બીજા દિવસે પોલીટીક્સ ની બુક લઈને વાંચવા બેસી ગયો.અને બીજા દિવસે મારી પાસે આવ્યો.અને કહેવા લાગ્યો.
‘ પેલા રૂપલા ને કઈ વસ્તુ બેહદ ગમે છે ખ્યાલ છે તને ?? ’
હું તો એની સામે ટગર ટગર જોઈ રહ્યો અને કશું બોલું તે પહેલા તો ફરી બોલ્યો.
‘ રૂપેન આપણો મોનીટર.એની વાત કરું છું. ’  ને તે મારી સામે મોટી આશા રાખી ને જોઈ રહ્યો.
‘ મને ખબર છે કે તું એજ રૂપલાની વાત કરે છે પણ હું એ વિચારતો હતો કે તું રૂપલા ની વાત કરે છે ’ મેં અટવાઈને કહ્યું કે તેને ફાળ પડી.
‘ ના રે ! એવું નથી ….. ’
‘ તું એક તો આ કારણ વગરનું ના રે ! કહેવાનું બંધ કર.સાફ સાફ કહે કે તું મારી પાસેથી શું ઈચ્છે છે ? ’
‘ કેમ હું તારો ફ્રેન્ડ નથી ??? આવી કેમ વાત કરે છે ???? ’
‘ ઓકે, બધું છોડ,અને એ કહે કે રૂપલાની પસંદ અને નાપસંદ વિશે જાણી ને તારે શું કામ છે??  ’
મેં સીધા પોઈન્ટ પર વાત કરી કે અકળાયો અને પગ પછાડતો જતો રહ્યો.બીજા દિવસે સ્કુલે આવ્યો તો હાથમાં એક પેકેટ જોયું. અને મને લાગ્યું કે વીર મુંજો કશું લઇ આવ્યો છે.અને મારું જે અનુમાન હતુ તે રીશેસ ના ટાઇમે સાચું પડ્યું.બધા જેવા એક પછી એક ક્લાસ બહાર જવા લાગ્યા કે તેને રૂપેન ને હાથ દબાવી ને ઇશારાથી રોકાવા કહ્યું.જેવા બધા બહાર નીકળી ગયા કે પેલું પેકેટ રૂપેનના હાથમાં પકડાવી દીધું.
‘ આ શું ?? ’
નાક પર એક આંગળીને ટેકવી ને બોલ્યો ‘ જો હવે તું થાકી ગયો હોય તેમ લાગે છે અને તું રહ્યો સીધો, નવા આવ્યા તે,બે ટેણીયા કેવા તોફાની છે,તારું માનતા પણ નથી. ’
‘ મતલબ ’
‘ ના રે ! એવું નથી, ચલ બધા આવતા હોય તેમ લાગે છે તને પછી સમજાવીશ… ’ બધા નજીક આવતા જણાયા એટલે વાત બદલતા બોલ્યો ‘ જોઈ આવજે એ મૂવી મેં તો બે વાર જોઈ લીધી. ’
રૂપેન ને તો કશી ખબર ના પડી, પેલો શું કહી ગયો અને શું આપી ગયો.પેકેટ બધા વચ્ચે ખોલી શકે તેવો બહાદૂર તો હતો નહિ.આથી જેવી રજા પડી કે મને અને બીજા ત્રણ ફ્રેન્ડ ને ધીમે ચાલવા કહ્યું.જેવો વીર મુંજો દેખાતો બંધ થયો કે તેણે અમને બધી વાત કરી.
અમે તો નાના હતા ને નાની હતી અમારી બુદ્ધિ !
તેણે પેકેટ ખોલ્યું તો રોબોટ (રોબોટ=રમકડું),જોઇને તે ખુશ થઇ ગયો કે રોબોટ લેવાની તેની ઘણી ઈચ્છા હતી પણ લઇ નહોતો શકતો.પણ વળી મનમાં ફાળ પડી.
‘ અલ્યા મને તેણે રોબોટ શું કામ આપ્યો ?? ’
થોડા દિવસ પછી ખબર પડેલી કે ભાઈને મોનીટર થવું હતું.અને બન્યો પણ ખરો !પોલીટીક્સ નું પહેલું પગથીયું જે રીતે પાર કરેલું તે પોલીટીક્સની શુભ નિશાની હતી.
ઈલેકશન આવતી હોય એટલે ભાઈ બધી ઇલેકશન ઓફિસોમાં જોવા મળે અને નેતા લોગ ભાષણ આપતા હોય ત્યાં પહોંચી જાય ! અને પછી તો રીતસરનો ઘેલો બની ગયો.તેના પપ્પા કયારેક મારા ઘરે આવે.વાતવાતમાં એક દિવસ મારા પપ્પાને પૂછ્યું ‘ આ મુંજો એક દી માલવપતિ મુંજ બનશે એવું લાગે છે ??? ’
એટલે મારા પપ્પા તો કશું ન બોલ્યા પણ “માલવ પતિ મુંજ ” !! એમ બોલીને હસવા લાગેલા. તો કોઈ વળી એના માટે કહેતું કે રસ્તે બેઠેલા કુતરા નેય સળી કરે,તો લાગે છે કોઈ કુતરા ને નેતા કરડી ગયેલો પછી એજ કુતરો મુંજા ને કરડ્યો હશે ! સાંભળી ને સૌ કોઈ હસી પડતા.પણ એતો હસતા હસતા કહેતો
પાણી રેડી તમે કાદવ કરજો
કાદવમાં કમળ ઉગશે જોજો
કમળને રૂડો વોટ રે આપજો
 જીતશે રે જોજો હસમુખ મુંજો
એકેય નેઠા વગરની આવી પંક્તિઓ બોલીને છાતી ગજ ગજ ફૂલાવતો જતો.
એકવાર તે મારી પાસે આવ્યો,ઘણા ટાઇમે મેં તેને જોયો અને મને બહુ પોલીટીક્સમાં રસ નહિ આથી મુંજા ને મળવાની લગન પણ ક્યાંથી હોય.ને એય વળી પોતાના પોલીટીક્સમાં ગળાડૂબ હોય એટલે મારા જેવા સમાન્ય છોકરાને તો વળી યાદ પણ ક્યાંથી કરે ! પણ એક વાત નો મને ગર્વ ખરો કે ક્યારેક સલાહ લેવા આવે.પણ પછી જાય ત્યારે એ સલાહ લઈને ગયો કે સલાહ આપીને તે હું કદી નક્કી નથી કરી શક્યો.
‘ આજ તો તારા ઘરની ચા પીવી છે ! ’  કહીને જુલા પર બેસી ગયો.મેં રસોડામાં જઈને મમ્મીને ચા બનાવવાનું કહ્યું.ને વળી પાછો તેની સાથે જોડાયો.(જો જો હા પોલીટીક્સમાં નહિ)
‘ બોસ,આપણે ” બાપ” બનાવીએ છીએ ’
‘ બાપ ??? કેમ તારે તો …. ’
‘ ના રે ! એવું નથી … ’
‘ મને ખ્યાલ છે તારી મમ્મી… ’
‘ ના રે ! એવું નથી,તું પૂરું સંભાળ તો ખરો… બાપ એટલે તું સમજે છે એ બાપ નહિ પણ બાપ એટલે  ” બિન્દાસ અરજી પાર્ટી ” ’ ને તે કોલર ઊંચા કરી ને ખંધુ હસવા લાગ્યો.
‘ આવી કોઈ પાર્ટી નું નામ તો કદી જાણેલું નથી.. ’
‘ એટલે તો તારી પાસે આવ્યો છું, કોઈ પણ વ્યક્તિ , શેનાય માટે બિન્દાસ અરજી કરી શકે અને તે અરજીઓ ને ન્યાય આપતો પક્ષ એટલે “બાપ”.હમણા હમણા શાશક પક્ષ બરાબર કામ કરતો નથી.ભ્રષ્ટાચાર અને બદનામીના આક્ષેપો થાય છે…તો વિરોધ પક્ષ વળી કંઈક નવીજ વાત કરે છે.શાશક પક્ષના એક નેતાજી દુર્લભ ભાઈ એ નવો પક્ષ રચવા માટે નક્કી કર્યું છે.અને જો જો આ વાત કોઈને કહેતો નહિ.એકદમ સિક્રેટ છે.તું તો મારો ખાસ ફ્રેન્ડ છે એટલે તને કહ્યું. ’  એ બોલતો જતો હતો અને હું તેની સામે ટેબલ ફેન ની માફક ફૂફાડો મારતો જોયે જતો હતો.
‘ બિન્દાસ અરજી પાર્ટી…નામ લાગે છે,તે પાડ્યું કે શું ?? ’મેં મજાક ખાતર પૂછ્યું.
‘ ના રે ! એવું નથી….. ’ એ બોલ્યો કે હું જોર જોરથી હસવા લાગ્યો
‘ કોઈ પણ વાતમાં ના રે ! એવું નથી, એવું કેમ કહે છે મુંજા ??? ’
‘ તું મને મુંજવ નહિ..નામ તો ખબર નથી કોને પાડ્યું પણ મને તે પાર્ટીની નેક્સ્ટ ઇલેકશનમાં ટીકીટ આપવાની દુર્લભ ભાઈએ પ્રોમિસ આપી છે. ’
‘ અરે ! આ તો ખુશી ની વાત છે _
‘ ના રે ! એવું નથી…પણ મને વિશ્વાસ છે કે અમારી પાર્ટી આગળ આવશે ! ’
‘ તું વાત વાતમાં ના રે ! એવું નથી કહેવાનું બંધ કર જો ઇલેકશન લડવી હોય તો ! ’
‘ મતલબ .. ’
‘ મતલબ , ના રે ! એવું નથી…._ મેં કહ્યું કે અમે બેય ખુબ હસેલા.
મારાથી વળી કહેવાઈ ગયું ‘ અલ્યા મુંજા, નેતા બનવા માટે ભાષણ પણ આપતા આવડવું જોઈએ ખબર છે ને ! ’
‘ એમ વાત છે તો લે તું એ લેતો જા…..મારા વ્હાલા ભારત દેશ નાગરીકો, આપણે સૌ જાણીએ છીએ કે મોંઘવારી અત્યારે ખુબ વધી રહી છે…’
‘ તને ખબર છે શાકભાજી,શિયાળામાં સસ્તા થાય છે…’ મેં વચ્ચે ટાપશી પૂરી કે ગીન્નાયો.
‘ આજ સુધી નેતા લોકો ભાષણ આપે ત્યારે કોઈ આપણે વચ્ચે બોલીએ કે પૂછીએ છીએ..નહિ ને  ?? ના રે !એવું નથી.લોકો ને તો ભાષણ પૂરું થાય પછી તાળીઓ જ પાડવાની હોય કેમ કઈ બોલતો નથી !!  હા, હવે કઈ બોલતો નહિ..ભાષણ પૂરું થાય પછી ના ગમે તો તાલી ના પાડતો બસ ! ’ ને વળી પાછું તેણે ચાલુ કર્યું.
‘ શાશક ને વિરોધ પક્ષને સૌએ માણ્યો ને જાણ્યો હવે નવી દિશાએ નવા નેતા ! (અલ્યા  ડફોળો તમે તો તાળીઓ પાડો) ’ સાઇડમાં નીચું જોઇને બોલ્યો
‘ અહીંયા ક્યાં કોઈ તારા સાગરીતો છે કે તાળીઓ પાડે ’
‘ તું વચ્ચે ગપકા પાડ્યા વગર રહીશ, ત્યાં જયારે હું ભાષણ આપીશ ત્યારે તો મારા હજુરિયા ખજુરિયા નહિ હોય ?? ’
પણ હું તેને માની ગયો કે નહિ પોલીટીક્સ ની થોડી ગટ્સ એનામાં ખરી !જો કે મારો ય થોડો વાંક ગણાય કે એ બિચારો પોતાની ખુશી મારી સાથે શેર કરવા આવેલો ને મેં તેની વાતો ને એવોઈડ કરેલી.મનમાં થોડો પસ્તાવો થયો કે, તેને સોરી કહેવી જોઈએ.આમ નક્કી કરી ને હું તેની પાસે મળવા, નહિ નહિ માફી માગવા ગયો.ઘરે ગયો તો હતો નહિ.અને ખબર પડી કે માલવપતિ મુંજ તો બહાર ગયા છે.પણ નસીબ મારા સારા કે ઘરની બહાર જ મળી ગયો.મલકાતા ચહેરે તે આવતો હતો,આથી થયું કે મુંજો હવે મુંજ થશે ખરો.મેં તેને સોરી કહ્યું એટલે અકળાયો ‘ ફ્રેન્ડ બી કહે છે અને સોરી બી ખરી !! ’
‘ ના રે ! એવું નથી  બે ’ મેં કહ્યું કે તે હસી પડ્યો.
‘ચલ ઘરે જઈએ આજ મારા ઘરની ચા પી. ’
‘ તને સોરી કહેવા આવ્યો હતો..એ બધું જવા દે પણ એ કહે કે આજે તારો ચહેરો કઈ વધુ તેજ મારે છે,શું વાત છે ?? ’
‘ અરે યાર……અમારી પાર્ટી નું રજીશ્ટ્રેસન થઇ ગયું છે, ને પછી બધા લોકો કહેતા હશે વોટ ફોર મુંજો,વોટ ફોર મુંજો ’
‘ અલ્યા ડફોળ તારે મુંજો જ રહેવું છે કે માલવપતિ મુંજ ! હેય બાણું લાખ વોટનો ધણી માલવપતિ મુંજ,એમ સારું લાગે ! તો કહે વોટ ફોર મુંજ ’
‘ પાછો…?????  વળી તારે સોરી કહેવા આવવું પડશે હાં કે. ’
જતા જતા એટલું,કહેતો ગયો કે “ તારો વોટ તો મને જ આપજે ! ”
તે ગયો પછી હું વિચારવા લાગ્યો કે તે દી તેણે રૂપેનને ગીફ્ટ પેકેટ આપેલું તે શા માટે હશે ?મતલબ,પોલીટીક્સનો નશો તો એને ભણતો ત્યાર નો ચડેલો હતો અને દાવ પેચ રમવા નો એ પહેલો કીમિયો તેને આયોજન પૂર્વક સફળ કરેલો !અને હવે તેને ખ્યાલ આવેલો કે તેને રૂપલા માટે ની મનપસંદ ચીજ કેમ પૂછેલી ??
મુંજા એ પોતાની આવડત નો પહેલો પરચો સ્કુલમાં પૂર્યા બાદ આજ બીજો પરચો બતાવવા ઇલેકશનમાં લડવા માટેનો હતો.પણ વળી મેં વિચાર કર્યો કે સાલું તે ઇલેકશન માટે કયો એરિયા સિલેક્ટ કરશે !આ એરિયામાં તો તેના કાકાની ભાષામાં કાળો કુતારોય તેને વોટ નહિ આપે !
પેલી કહેવત મુજબ સમય અને ભરતી કોઈની રાહ નથી જોતા તેમ સમય ઘણો નીકળી ગયો.મારે તો વળી હવે નોંકરી ની સાથે લખવાનું અને રીલેશન જાળવવાના !રજાના દિવસે સવાર ની કોફી જુલા પર બેઠા બેઠા પીતો હતો ને એટલામાં પત્ની ન્યુઝ પેપર આપી ગઈ.ને ફ્રન્ટ પેઝ પર સમાચાર વાંચી ને મારી કોફી પણ ઠંડી થઇ ગઈ. “ ભ્રષ્ટાચાર માટે દુર્લભ ભાઈ ની ધરપકડ ”
અને મને મારા પરમ, કરમ અને શરમ મિત્ર મુંજ ની યાદ આવી ગઈ. ઘડી ભર માટે તો એના પર દયા ઉપજી આવી.બાણું લાખ વોટ નો ધણી માલવપતિ મુંજ હજી મુંજો જ રહી ગયો !  હવે પછી જયારે પણ મળશે એટલે કહેશે  ‘ ના રે ! યાર એવું નથી  ! ’
Advertisements

About રીતેશ મોકાસણા

દરેક વ્યક્તિ કોઈને કોઈ શોખ સાથે સંકળાયેલી હોય છે.હું પણ મારો એક શોખ અહી કલમ દ્વારા રજુ કરું છું.આશા રાખું કે મારો બ્લોગ વાંચીને એટલા નિરાશ નહિ થાવ કે ફરીવાર આ બ્લોગની મુલાકાત લેવાનું પણ ટાળો.સૌની આશા એવી હોય કે વધુ અપેક્ષાને પ્રાધાન્ય આપીને પહેલ કરીએ,પણ ક્યાંક તેનું અવમુલ્યન થાય ત્યારે દિલ ને ઠેશ લાગે છે.સર્વે પ્યારા વાચકોને ને મારા નમસ્કાર !!
This entry was posted in હાસ્યલેખ/ જોક્સ. Bookmark the permalink.

3 Responses to વોટ મને આપજો હો કે !

  1. vkvora Atheist Rationalist કહે છે:

    ઉંટણી નજીક આવી રહી છે. શાકભાઈના ભાવ સસ્તા થઈ રહ્યા છે. ડુંગળી અને બટાકાના ભાવ હોલસેલ માર્કેટમાં ૪-૬ રુપીયા થઈ ગયા છે. હવે આપ હો કે બાપ, મમતા હો કે માયા, કેજરીવાલ કે અન્ના હજારે, વોટ તો શાકભાજીવાળાને આપીશ.

    • vkvora Atheist Rationalist કહે છે:

      ચુંટણીનું ચટણી થાય પણ અહીં તો ઉંટણી થઈ ગયું. બકરી કાઢતા ઉંટણી પેઠી…

      • riteshmokasana કહે છે:

        વોરા સાહેબ, લેખના હ્યુમર ને જાણવા બદલ આભાર.આપના પ્રતિભાવો મારા માટે કાયમી પ્રેરણાદાયી નીવડે છે.
        ‘ચટણી કે છટણી, ચુંટણી કે ઉટણી આમજ જ તો જીવન છે કટણી ! ‘

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s