કોને જઈ કહું ? (નાટક )

                                          કોને જઈ કહું

             પાત્રો
દિનકર રાય :   બાપુજી
ધીરેન : દિનકર રાય નો પુત્ર
રાગિણી :  ધીરેનની પત્ની
સંધ્યા : ધીરેનની પુત્રી
ધવલ : ધીરેન નો પુત્ર
રોમલ : પાડોશી/ ધવલ નો મિત્ર
જવાનભાઈ : રોમલ ના પપ્પા
પદ્મા : રોમલની મમ્મી
વકીલ : વકીલ                                     (પ્રવેશ-1)

(પડદો ઉઘડે છે)
ધવલ :            કોઈ દેવદાસનું દીવાનુ, તો છે કોઈ પારોના પરવાના
                        જો સખણા નહિ રહે તો, મને લાગે છે બધા મારવાના

રોમલ (પ્રવેશ કરતા) : અલ્યા ધવલ કોણ મારવાનું થયું છે ?
ધવલ : ચુપ રહે નહિ તો હું ને તુયે
રોમલ : કેમ કઈ નવી ઉપાધી આવી છે?
ધવલ : ધીરેથી બોલ રાણા નહિ તો માર્યા !
રોમલ : (ઘાંટો પાડીને) આનાથી તો વળી (એકદમ ધીરે) ધીમું કેવું બોલું ?
ધવલ : ઓલી મોનાડી એ (ચારે બાજુ જોઇને ) બધો ભાંડો ફોડ્યો !
રોમલ : મોના ! એ કોણ છે નવી બલા ?
ધવલ : મોનાલી ..નવી નહિ પણ જૂની છે ભલા ! 
રોમલ : ભાંડો નવો કે રિપેર નથી થાય એવો ?
ધવલ : ઉફ…. હે ભગવાન શું થવા બેઠું છે આ જગનું,સોરી નહિ નહિ મારું ! તું જ અહીંથી ને આમાંથી  ઉગરવાનો કોઈ રસ્તો વિચારવા દે.(રોમલ ને ધક્કો મારી કાઢે છે)હાશ ! હવે કઈ વિચારું.                      

                              માથા કૂટ્યા ને દુખ્યા બહુ હાથ કોને જઇ કહું
                              રડે છે ધરતી ને ઝૂરે છે ઝાડ , જોઈ બેસી રહું

રોમલ (ફરી પ્રવેશે છે) : એક વસ્તુ મને સમજાઈ નહિ યાર
ધવલ : એક સિવાયની તો બધી સમજાઇ છે ને ?કહે હવે કઈ વસ્તુ ના સમજાઇ ? ભસ !
રોમલ : તેં હમણા મને રાણા કહેલું !
ધવલ : ઓ ઓ …. એટલીજ વાત છે.  ‘મુજકો રાણાજી માફ કરના ‘ ગીત યાદ છે હં ?
રોમલ : હા, તો ?
ધવલ : તો એમાં કઈ અમરીશપુરી રાણાજી છે ? નહીં ને,તોયે કોઈને વાંધો છે ? નથી,રાઇટ !તો તને રાણા કહ્યો એમાં આટલો શા માટે દીવાનો થાય છે ?ને હં પાછો કેમ આવ્યો મારા વીર.જા,ને મને કોઈ રસ્તો સુજવા દે.
રોમલ  (પ્રવેશતા) : અરે ! ધવલ મને……..
ધવલ : (તેને ચુપ કરતા) સારું થયું તું આવ્યો.પઝલ થોડું મુંજવે છે.
રોમલ : પઝલ અને તને !! કહે.
ધવલ : કીડીના દરમાંથી સાપ નીકળ્યો એટલે હાથી ને નહાવાનું મન થયું. તેમાં બગલો ખુશ થઇ ગયો કે તેણે જીરાફને તમાચો માર્યો ત્યારે તુર્કીમાં વરસાદ થયો.તો કુલ કેટલાં સાપ હશે ?
રોમલ :   સાપ કે જિરાફ ???
ધવલ : ઓકે રહેવાદે બીજું , સવારે સાત વાગ્યે નાસ્તો કરીને નીકળતા પહેલા બાઈક  ચેક કરી,છતાં હજી બસ સ્ટોપ પર ઘણી ભીડ હતી.કાંસકો નવમાં માળેથી ઉડીને પડયો  તોયે છેલ્લા શો માં કાગડા ઉડતા હતા.તો કેટલા વાગે રેલ્વે સ્ટેશન જવું જોઈએ ?
રોમલ : રેલ્વે સ્ટેશન ????
ધવલ : લે બીજી, સેહવાગ અને ધોની બેટિંગ કરતા હતા જેથી માઇક ટાયસન એક એડ ના મળવાથી હતાશ થઇ સુઈ ગયો.આથી ઓલમ્પિક રાખવાના મામલે ….
રોમલ : હું જાઉં છું હવે નહિ આવું.પહેલા કહ્યું હોત તો ના આવેત, તે લાગી ગયો ગીલોલા ચડાવવા.(જતો રહે છે.)

                    દિવસના અંધકાર અને રાતના અજવાસથી માંડ ટેવાયો
                    જનુન ની ખજવાળ ઉપડી , ત્યાં ટાઢા પાણી થકી  નાહ્યો

(રોમલ પ્રવેશે છે.)
ધવલ : ઓહ તો રસ્તામાં તને અધરી પઝલે પરેશાન કર્યો ? કોઈ વાંધો નહિ સાંભળ..
રોમલ : હું તો બાપુજી પાસે જવા આવ્યો છું.(બાપુજીની રૂમમાં જાય છે)
બાપુજી : અરે રોમલ, આજે કોલેજ નથી ગયો ?
રોમલ : હું કે ધવલ ?
બાપુજી : ડફોળ,બેઉ..
રોમલ : ના, કોલેજમાં થોડો માહોલ ગરમ હતો,એટલે.
બાપુજી : એ કહે કે,માહોલ ગરમ હોય કે ઠંડો તમે તો બેય બાજુ રજા પાડો.અમારા જમાના માં જવલ્લેજ રજા પડતી કોઈ નેતા મર્યો હોય ત્યારે !
રોમલ : જવા દો બધું બાપુજી લાવો તમને પગ દુખતા હશે થોડા દબાવી આપું.
બાપુજી : રહેવા દે, ધવલ વળી ગીન્નાશે કે કાયમ હું તારા વખાણ કરું છું.
રોમલ : જેવી તમારી ઈચ્છા, દવા ખલાસ થઇ હોય તો કહો.
બાપુજી : ના હજી અઠવાડિયાની છે. (કોઈનો પગરવ સંભળાયો) લાગે છે સંધ્યા આવી ગઈ જોબ પરથી. તારે જવું હોય તો જા.
રોમલ : સારું, કાલે ફરી આવીશ ને પગ દબાવી આપીશ.(તે જાય છે.)
બાપુજી(સ્વગત) : કેવું ધ્યાન રાખે છે મારું ! ઘરના પુત્ર કે પૌત્રો કરતા વધુ લાગણીશીલ છે. હે ભગવાન હું રોમિલ નો સદાય ઋણી રહીશ.
સંધ્યા : બાપુજી, ધવલ આવી ગયો લાગે છે ?
બાપુજી : મને ય એવું લાગે છે. પણ મારી પાસે આવ્યો નથી.તારે વળી અત્યારે એનું શું કામ પડી ગયું
સંધ્યા : મારું લેપટોપ બરાબર ચાલતું નથી. તેના એક મિત્રને રીપેરીંગ આવડે છે.એને વાત કરવી હતી.
બાપુજી : લાગે છે બહાર નીકળી ગયો,થોડી વાર પહેલા જ એના ગીતનો અવાજ આવતો હતો.
સંધ્યા : ગીત કે શાયરી ?
બાપુજી : ખબર નહિ પણ કંઈક ગણગણતો હતો.
સંધ્યા  : શાયરી જ હશે, ખબર નહિ શાયરી ને ગાવાનો કોઈ નવો રાગ શોધી કાઢ્યો છે.(પ્રવેશ-2)
ધીરેન : પપ્પા, કેમ છે આજે તબિયત ?
બાપુજી : કઈ ખાસ સુધારોય નથી અને બગડી પણ નથી.
ધીરેન : તમને હજાર વાર કહ્યું છે કે બધી ચિંતા છોડી દો, હું જાણું છું કે તમે મંદિર નથી જઈ શકો તેમ પણ બેઠા બેઠા હરિની માળા તો ફેરવી શકો ને ?
રાગિણી : કહું છું પપ્પાને  આરામ કરવા દો..
બાપુજી : બેટા, તું મારા જેવડો થઈશ ત્યારે ખબર પડશે કે પ્રભુ ભજન કરવા એય એક યુધ્ધમાં લડવા જેવું અઘરૂં કામ છે.
ધીરેન : પપ્પા, હું જાણું છું. તમે કહો…હું સંધ્યા કે રાગિણી તો જોબ પરથી આવીએ એટલે થાકેલા પાકેલા ટીવી જોઇને સુઈ જઈએ છીએ.
બાપુજી : તો હુયે તને ક્યાં કદી કહું છું.
ધીરેન : વધુ તો ઠીક પણ ગામડે ખેતી ને બધો મસલો છે તેનો કોઈ હિસાબ કરી દો ને એટલે,એટલી ચિંતા તો ઓછી !
બાપુજી : કેવી રીતે હિસાબ કરવો બેટા ?
ધીરેન : પપ્પા તમને યોગ્ય લાગે તેવી રીતે (બીજી રૂમમાં જાય છે,પાછળ રાગિણી  પણ દોરાય છે.)
રાગિણી : શું તમેય રોજ ઉઠીને પપ્પા સથે કકળાટ કરો છો ?
ધીરેન : આ કકળાટ નથી ડીયર, તેમની પાછલી લાઇફમાં શાંતિ આપવા માટે કહું છું.
રાગિણી : તમને એવું લાગે છે કે તમે કહેશો એટલે હલ આવી જશે ?
ધીરેન : તો તું કહે (અકળાઈને)
રાગિણી : એવું નથી ડાર્લિંગ, ઠીક છે જવા દે.આ આપણો ધવલ આજેય કોલેજમાંથી પાછો આવ્યો છે,કોણ જાણે શું કરશે ? ધરાર તમે તમારી રાશી પરથી એનું નામ પડાવ્યું.અને સંધ્યાનું નામ મારી રાશીનું ના પાડવા દીધું.
ધીરેન : અત્યારે નામ ને ક્યાં વળી રોવા લાગી છે ?  શું કરે છે મહાશય, બોલાવ જો !
રાગિણી : ધવલ ……(જોરથી બુમ પાડે છે. તોયે ધવલ ના આવ્યો એટલે) લાગે છે બાજુના ઘરે ગયો હશે ! સંધ્યા , ભાઈ ક્યાં ?
સંધ્યા : (રૂમમાંથી) ગેટ બહાર કોઈ સાથે વાત કરતો હોય તેમ લાગે છે.(જોરથી બુમપાડે છે) ધવલ………..
ધવલ : પ્રવેશતા) કહે દીદી.
સંધ્યા : મારે નહિ પપ્પા બોલાવે છે !
ધવલ : ઠીક છે (બીજા રૂમમાં જાય છે)
સંધ્યા : ઉભો રહે ધવલ, જોને મારું લેપટોપ બગડી ગયું છે, તું કહેતો ને તારો કોઈ ફ્રેન્ડ..
ધવલ : કાલે કોલેજ જાઉં એટલે લેતો જઈશ.
સંધ્યા : કાલે તું કોલેજ જવાનો ખરો ???
રાગિણી :  મનેય ડાઉટ છે, જા તારા પપ્પા અકળાયા છે તારા પર !
ધવલ : પપ્પા !!! શા માટે ? એમણે કનૈયાલાલ મુનશીની બુક મંગાવેલી તો લાવી આપેલી !
ધીરેન : કનૈયાલાલ મુનશી વાળી, કેમ આજે કોલેજમાં દાંડી મારી ? (રાગિણીના રૂમમાં આવીને)
ધવલ : સોરી પપ્પા, પણ કોઈ લેક્ચરમાં બેઠું હોય અને અને હું આવી ગયો હોય તો કહો.
ધીરેન : ડફોળ, મને કેવી રીતે ખબર પડે કે….
બાપુજી : કેમ ઓફિસમાં બબાલ થયેલી તે ધવલ પર ગુસ્સે કાઢે છે ?
ધીરેન : ના પપ્પા, એવું નથી પણ મને એની કેરિયર ની ચિંતા છે.
ધવલ : ડેડી, કેરિયર નવું બદલાવી આવ્યો, કાલેજ
ધીરેન : જુઓ બાપુજી છે ને એક્કો ? તમે કહો મને એની ચિંતા વ્યાજબી છે કે કેમ ?
ધવલ : ડેડી,મને ખ્યાલ છે તમે મારી ફિકર કરો છો અને એની મને કદર છે પણ બીજી ડાંટ ના પડે એટલે તમને યાદ આવ્યું એટલે કહી દીધું કે કેરિયર નવું આવી ગયું છે.
રાગિણી : શું તમેય નવાર પડ્યા કે એને બિચારાને લઇ પાડો છો !
બાપુજી : રાગિણી, એ સાચું કહે છે, રોમલ પણ કહેતો કે કોલેજમા શું બધા કહે છે ?
સંધ્યા : નો મૂડ સ્ટ્રાઇક !!
બાપુજી : હા,એ ! હવે બધા જમવા ભેગા થાવ અને પછી મને જ્યુસ આપો,પછી દવા પીને સુઈ જાઉં.
ધીરેન : લાગે છે આ રોમિલ જ ધવલ ને બગાડે છે ! (રસોડામાં જઈને)
રાગિણી : ધવલ ને નહિ પણ બાપુજીને !
ધીરેન : બાપુજીને ????
રાગિણી : હા, આશ્ચર્ય ના કરો ! ચાંપલો રોજે આવીને બાપુજી પાસે હરખ પદુડો થતો હોય છે.
ધીરેન : અરે,એતો બાપુજીને ટાઈમ પાસ કરાવવા આવે છે.ને બાપુજીને પણ એની સાથેવધુ ફાવે છે.
રાગિણી : ઠીક છે, જવા દો. ચાલો જમી લઈએ.
રોમલ (પ્રવેશતા) : બાપુજી કેમ છો હવે ? કેમ બધા બહાર ગયા છે ?
બાપુજી : ના, જમવા બેઠા છે એટલે શાંતિ છે.
રોમલ : સરસ, લાવો પગ લાંબા કરો થોડા દબાવી આપું (પગ દબાવે છે) કાલે વકીલ
સાહેબ મળેલ ા બાપુજી.
બાપુજી :કઈ કહેલું ? (વધુ ના બોલી શક્યા કોઈના પગલા નો આવાજ આવ્યો) બસ રોમલ.
(સંધ્યા હાથમાં ગ્લાસ લઈને પ્રવેશે છે)
સંધ્યા : લો બાપુજી ખીચડીનું જ્યુસ. તું ક્યારે આવ્યો રોમલ ?
રોમલ : બસ થોડી વાર થઇ.ધવલે જમી લીધું ?
સંધ્યા : આઈ થીંક સો.
રોમલ : કઈ નહિ સવારે હું મળી લઈશ.(જાય છે)
સંધ્યા : બેસ બાપુજી એકલા છે તારી કંપની રહેશે.
રોમલ : કાલે સંધ્યા, ઇટ્સ ઓકે (જતા જતા)
સંધ્યા : બાપુજી વધુ બનાવું ?
બાપુજી : ના દિકરી, એક ગ્લાસ તો કાફી છે ને અખો દિવસ ઘરમાં હોય છું.પછી પચવામાં તકલીફ ના પડે !
સંધ્યા : ઠીક છે બાપુજી (જતા જતા)
બાપુજી (સ્વગત) : ઘરમાં કોઈ નવરું નથી, ધીરેનને ભણવા માટે અથાગ મહેનત કરી ને જયારે તે નોકરીએ લાગ્યો ત્યાં ભગવાનની મહેરબાની થઇ કે ધંધો અને ખેતી બધું રીતસર સફળ થયું.સંધ્યા પછી ધવલ જન્મ્યો કે પત્ની ગુજરી ગઈ. ભગવાનની દયાથી બધું સારું છે પણ કોઈ ઘરમાં તેની પાસે બેસવા નવરું નથી.ધીરેન નોકરીથી આવે કે કોઈને કોઈ કકળાટ હોય ! કાંતો ધવલની કોઈ જફા કે પછી નોકરીની માયાજાળમાં ફસાયેલો હોય ! રાગિણી તો બહારની છે જયારે ખુદનો દીકરો એટલી લાગણી ના બતાવે તો બીજા પાસે તો વળી કેવી વાત ? વળી પૌત્ર પાસેતો અપેક્ષા રાખવી પણ ગાંડપણ છે.હા, થોડી ઘણી દયા સંધ્યા ને ખરી.પણ હુંયે એમનો બાપ છું.કાલ વકીલ આવવાના છે.ફૂટી કોડી પણ નહિ આપું…..ના,ના, એટલો નઠોર નહિ બનું…પણ આ રોમલ, જુઓ કોઈ જાતનો સબંધ ખરો ??? છતાં કેવો મારી સાથે વર્તે છે.દવા લાવવી કે પગ દબાવી આપવા.જાણે હું તેનો ખુદનો  બાપુજી ના હોય !!!!! એને વીલમાં 25 % નો હિસ્સો તો જરૂર આપીશ. (સુઈ જાય છે)
(પ્રવેશ-3)
વકીલ : જુઓ દાદા, આ હવે છેલ્લું ડ્રાફટીંગ છે ને ? તો કાલે હું ફાઈનલ વિલ બનાવીને લેતો આવું.(જવા માટે ઉઠે છે)
ધવલ (પ્રવેશતા) : કેમ છો વકીલ સાહેબ ? કેમ ઉઠ્યા ? ફાઈનલ ડ્રાફટીંગ કેવાનું ?
વકીલ ( બાપુજી સામે જોઈ થોથાવાઈને) : આ જરા…ઠીક દાદા લો હું જાઉં ?
બાપુજી : સારું ઠીક છે.
(ધવલ વકીલને ગેઇટ સુધી વળાવવા જાય છે)
ધીરેન : વકીલ સાચું કહો કેવાનું ડ્રાફટીંગ છે ??
વકીલ : દાદાનું ખાનગી છે.
ધીરેન : હું તેમનો એકનો એક પુત્ર છું મારાથી ખાનગી વળી કેવું ? (એટલામાં રાગિણી પણ આવે છે) કહો જે હોય તે !
રાગિણી : મને ખબર છે બધી ના કહો વકીલ સાહેબ !
વકીલ : મને એક વાત જરા દાદાની સમજાઈ નહિ !
ધીરેન : કઈ વાત ??
વકીલ : 25 % હિસ્સો રોમલ ને કરી આપવાની
રાગિણી : સાંભળ્યું ?
ધીરેન : વકીલ સાહેબ તમે ખાલી અડધો કલાક રોકાશો પ્લીઝ ??
વકીલ : કોઈ વાંધો નહિ.
ધીરેન : તમે મારા રૂમમાં બેસો હું તમને બોલવું છું.ચલ રાગિણી મારી સાથે
રાગિણી : ના, તમે પહેલા વાત કરો હું રસોડામાં ઉભી છું જરૂર પડે વચ્ચે  કુદી પડીશ.
ધીરેન : ઠીક છે , તમે બેય જાઓ.
(ધીરે પગલે અને ચડેલા મોઢે બાપુજી પાસે જાય છે)
ધીરેન : પપ્પા એક વાત કહેવી છે, તમે સ્વસ્થ હોય તો !
બાપુજી : કહે દીકરા.
ધીરેન : હું માનું છું કે હું દોષિત છું,તમને ટાઇમ નથી આપી શકતો.પણ તોયે તમારો દીકરો છું. આ રોમલ ને તમે ..
બાપુજી : એમાં રોમલ નો કોઈ હાથ નથી. મેં મારી મરજીથી એનેન 25 % મારો હિસ્સો લખી આપવાનું નક્કી કર્યું છે.
ધીરેન : હું જાની શકું કે કેમ એને…. ??
બાપુજી : એટલે, કે, તમે કોઈ ઘરે ન હોય ત્યારે એ આવીને મને દવા લાવી આપે છે. મારા પગ દબાવી આપે છે. મારી સાથે ટાઇમ પાસ કરે છે.
ધીરેન : મતલબ હું તમને કોઈ..
રાગિણી (પ્રવેશતા) : ધીરેન તમે એક મિનીટ મને કહી લેવા દો. પપ્પા, તમે બધો હિસ્સો રોમલ ના નામનો કરો દો પણ મેં જે સાંભળેલું છે તે કહી દઉં.
(રોમલનું ઘર)
પદ્મા : આખો દાડો પેલા ધવલ ને તાં હું ડાટું છ ?
રોમલ : અરે મમ્મી શું તુંય..મેલ ને બબાલ.
પદ્મા : ચમની બબાલ મેલું ? લે લ્યા ઓલો ડોહો તને જી ચટાડે છ ? ચાણેક કઈ કોમ બતાવું તો બસ પીટ્યો,ડોહાની દવા લેવા કે પછી ઇના પગમો પડ્યો હોય ! શું તમે ય કોંઈ બોલતા નઈ.
જવાનભાઇ : શું તુયે એની પાછળ પડેલી છ, જપ લે ને !
પદ્મા: હુયે તમને ભૂંડી જ લાગવાની પણ ઈન પૂછો તો ખરા કી ઉ કઈ કોમ બતાવું તો નવરો ની હોય !
જવાનભાઈ : અલ્યા તારી માં શું કે’શ.
રોમલ : તમારે ઈની વાતુંમાં આવી જાવુશ ?  પણ સોમ્ભળો, હું ઇયાં કોઈ અમથે અમથું નથી જાતો. બાપુજી ઉપર એવું જાદુ કર્યું છ કે બધાને આઇન્સુ તાકતા ના કરું તો ફટ ભૂંડો કહેજો ! 
પદ્મા : હુજ ભૂંડી છું કે લવારો કરું છું.
રોમલ : પપ્પા આ ગામડે જ સારી છે.
પદ્મા : ઠીક છે તાણે સવારની બસમાં ઉપડી.
રોમલ : તું જ પછી તને ખબર પડશે કે રોમલ ની કમાલ !
જવાનભાઈ : તો તું પેલા દાદાની સેવા સ્વાર્થ માટે કરે છ ?
રોમલ : તાણે તમને સુ લાગે છ, મારી અકલ ગધેડા ચરી જીયા છ ? જોઇ લેજો રોમાલની કમાલ ! હા હા હાહા……
રાગિણી : લો જોયું પપ્પા ? હવે તમારે એને બધો હિસ્સો આપવો હોય તો આપી દો……અરે, આ શું ?? પપ્પા……અરે ધવલ…સંધ્યા,જલ્દી ડોકટરને ફોન કરો…..શું થયું બાપુજી…..?
બાપુજી : ….ધીરેન.. .ન…..અઆ જ મને ખબર પડી કે રોમલ શા માટે ….મારી સાથે…. 
ધીરેન : પપ્પા તમે બોલો નહિ…પ્લીઝ્ઝ્ઝ.
બાપુજી : લાગે છે મારું તેડું આવી ગયું ડોકટર નહિ પણ વકીલ ને બોલાવ  દીકરા.
ધીરેન : વકીલ સાહેબ…
વકીલ (આવતા) : બોલો દાદા ?
બાપુજી : વીલમાં સુધારો…….કરવાનો…… છે..કોને જઈ કહું ????
ધીરેન : બાપુજી શાંતિ…
વકીલ : હા દાદા, મેં બધું સાંભળ્યું છે..ગમે તેમ તોયે અંગત એ અંગત !
“બાપુજી…….ઈ.ઈ.ઈઈઈઈ …”
(પડદો પડે છે
(નાટક લખવું એક અઘરું કામ છે પણ છતાં એક પડકાર માનીને લખ્યું છે ઘણી ત્રુટીઓ છે વ્યાકરણ કે ભાષા પર ના જતા પ્યારા વાચકો એની થીમ પર મહત્વ આપશો,પ્લીઝ.)
Advertisements

About રીતેશ મોકાસણા

દરેક વ્યક્તિ કોઈને કોઈ શોખ સાથે સંકળાયેલી હોય છે.હું પણ મારો એક શોખ અહી કલમ દ્વારા રજુ કરું છું.આશા રાખું કે મારો બ્લોગ વાંચીને એટલા નિરાશ નહિ થાવ કે ફરીવાર આ બ્લોગની મુલાકાત લેવાનું પણ ટાળો.સૌની આશા એવી હોય કે વધુ અપેક્ષાને પ્રાધાન્ય આપીને પહેલ કરીએ,પણ ક્યાંક તેનું અવમુલ્યન થાય ત્યારે દિલ ને ઠેશ લાગે છે.સર્વે પ્યારા વાચકો ને મારા નમસ્કાર !!
This entry was posted in પ્રકીર્ણ. Bookmark the permalink.

One Response to કોને જઈ કહું ? (નાટક )

  1. Dipal US કહે છે:

    Dear Riteshbhai, apparaciates the first aatempt in chellenging way ! i m sure everyone will likes this drama containing lot of humour .definately its normal theme but effective..thanks

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s